Nú stendur yfir fundur samstarfsaðila um almenna öryggis- og neyðarþjónustu í landinu í tilefni af 112-deginum sem er á morgun

Lesa meira

Um eitt hundrað starfsmenn og sjálfboðaliðar í öryggis- og neyðarþjónustu af öllu landinu koma saman til fundar í tilefni af 112-deginum sem að venju er haldinn 11. febrúar. Markmið hans er að ræða framtíðarskipan öryggis- og neyðarþjónustu og hvernig þjónustan verði best sniðin að þörfum almennings. Fundurinn verður með þjóðfundarsniði til að tryggja virka þátttöku allra fundarmanna. Fundur af þessu tagi hefur aldrei áður verið haldinn í tengslum við þessa mikilvægu þjónustu.

Lesa meira

Dagana 27., 29. september og 1. október hélt Neyðarlínan hugarflugsfundi með öllu starfsfólki fyrir tækisins og fulltrúm úr hópi helstu samstarfsaðila 112. Á fundunum veltu þátttakendur fyrir sér mögulegri þróun þjónustu 112 við almenning og viðbragðsaðila og hvernig upplýsingakerfi 112 þurfi að styðja við þá þróun í framtíðinni.

Lesa meira

Reglulega fá starfsmenn Neyðarlínunnar skemmtilegar heimsóknir frá fólki sem hefur áhuga á að kynna sér starfsemina. Um daginn kom skemmtilegur hópur frá leikskólanum Aðalþingi í Kópavogi sem heimsótti okkur ásamt Slökkviliði Höfuðborgarsvæðissins og skorti ekki spenningin í börnin yfir öllu sem bar fyrir augu innandyra sem utan. Lesa meira

Þann 8. júní skrifuðu 16 aðilar, er koma að ferðaþjónustu á einn eða annan hátt, undir samstarfssamning í Krýsuvík um öryggismál ferðamanna. Fjöldi ferðamanna sem ferðast um landið hefur verið að aukast með hverju árinu. Tölur frá Ferðamálastofu sýna að 90% íslendinga ferðuðust innanlands síðasta sumar og um 500.000 erlendir ferðamenn heimsóttu landið. Bjartsýnustu spár segja að árið 2018 geti fjöldi erlendra ferðamanna verið kominn í eina milljón. Áætlað er að tekjur af erlendum ferðamönnum hér á landi hafi verið 155 milljarðar árið 2009 sem er um 21% raunaukning frá árinu á undan og er ferðaþjónustan nú orðin ein af stærstu gjaldeyrisskapandi greinum þjóðarinnar með um 18% hlutdeild. Lesa meira

Árleg könnun Capacent Gallup, nú síðast frá því í mars 2010, sýnir að almenningur er jákvæðari í garð 112 en almennt tíðkast hjá opinberum stofnunum og félagasamtökum. Lesa meira

Sú breyting hefur nú verið ákveðin og samræmd hjá öllum starfsstöðvum Heilbrigðisstofnunar Vesturlands að frá og með mánudeginum 15. febrúar næstkomandi kl. 08.00 verður vaktsími lækna í umdæmi stofnunarinnar tengdur Neyðarlínunni - 112. Lesa meira

Þeir sem hafa farið á námskeið í skyndihjálp á síðustu þremur árum treysta sér miklu fremur en aðrir til að veita bráðveikum eða mikið slösuðum einstaklingi skyndihjálp. Þetta kemur fram í niðurstöðum könnunar sem Capacent Gallup gerði fyrir 112 í tilefni af 112-deginum, sem haldinn er í dag. Nær 80 prósent þátttakenda segjast hafa farið á námskeið í skyndihjálp en aðeins 27,1 prósent á síðustu þremur árum. Lesa meira

112-dagurinn verður haldinn víða um land fimmtudaginn 11. febrúar eins og undanfarin ár. Þema dagsins er aðkoma venjulegs fólks að vettvangi slysa, veikinda og áfalla. Lesa meira

Þann 11. febrúar næstkomandi verður 112-dagurinn, dagur neyðarnúmersins, haldinn á Íslandi og í löndum Evrópusambandsins. 112-dagurinn er nú haldinn á Íslandi í sjötta sinn en annað sinn um alla Evrópu. Lesa meira

Íslenska alþjóðabjörgunarsveitin hefur verið kölluð út til hjálparstarfa á Haiti þar sem öflugur jarðskjálfti reið yfir í gærkvöldi. Ástandið í landinu er slæmt og óttast er að margir hafi látið lífið. Flogið verður til Bandaríkjanna og þaðan til Haiti eða Dóminíska lýðveldisins og er áætluð lending þar um klukkan 19:00 að íslenskum tíma. Lesa meira

Starfsfólk Neyðarlínunnar óskar landsmönnum öllum gleðilegra jóla og farsældar á komandi ári. Farið varlega með flugeldana um áramótin. Lesa meira

Slökkviliðsmenn hjá SHS hefja árlega sölu á eldvarnabúnaði í Kringlunni mánudaginn 14. desember og standa þar vaktina allt til jóla. Þeir dreifa jafnframt upplýsingum um eldvarnir og veita fólki ráðgjöf. Lesa meira

Metþátttaka var í aðventuhlaupi Björgunarmiðstöðvarinnar í Skógarhlíð sem haldið var í hádeginu. Allir þeir sem luku hlaupinu fengu rauð nef og styrktu í leiðinni Dag rauða nefsins sem haldinn er til stuðnings Barnahjálpar Sameinuðu þjóðanna, UNICEF. Tóku um áttatíu starfsmenn slökkviliðs höfuðborgarsvæðisins, Landhelgisgæslunnar, almannavarnardeildar ríkislögreglustjóra, Neyðarlínunnar og Slysavarnarfélagsins Landsbjargar þátt í hlaupinu. Lesa meira

Svandís Svavarsdóttir brunamálaráðherra og slökkviálfarnir Logi og Glóð hafa gengið til liðs við Eldvarnaátak Landssambands slökkiliðs- og sjúkraflutningamanna (LSS) og munu aðstoða við að fræða börn og fullorðna um eldvarnir. Slökkviliðsmenn heimsækja átta ára börn í grunnskólum landsins dagana 20.-27. nóvember og fræða börnin og fjölskyldur þeirra um helstu atriði eldvarna. Lesa meira

Sóttvarnalæknir gerir ráð fyrir að bóluefni gegn inflúensu A (H1N1) berist til landsins um næstu mánaðamót og að í byrjun október verði unnt að byrja að bólusetja landsmenn gegn veikinni. Stjórnvöld hafa keypt 300.000 skammta, sem koma hingað í fjórum sendingum, hinni síðustu um áramót.

Lesa meira

EMD greiningarkort neyðarvarða eru eitt mikilvægasta tækið sem neyðarverðir nota í starfi sínu. Þetta fyrirkomulag á forgangsákvörðun sjúkrabíla og annars hjálparliðs hefur gefist mjög vel á Íslandi og annarsstaðar í heiminum. Lesa meira

Lifandi upplýsingar um afgreidd mál hjá 112 birtast nú á vefnum fyrir líðandi klukkustund og síðustu 23 klukkustundir. Lesa meira

Eitt tilfelli inflúensu A (H1N1) hefur verið staðfest hér á landi og grunur leikur á að fjórir til viðbótar séu smitaðir. Sýni þar að lútandi verða send til rannsóknar. Viðkomandi tilfelli eru á höfuðborgarsvæðinu og á Suðurlandi. Lesa meira

Í morgun áttu sóttvarnalæknir og almannavarnadeild ríkislögreglustjóra fund með fulltrúum stofnana sem gegna lykilhlutverki í viðbúnaðaráætlun vegna inflúensufaraldurs. Á fundinum voru lögð fram drög að framkvæmd sóttvarna og viðbúnaði í samræmi við viðbragðsáætlun vegna heimsfaraldurs inflúensu. Niðurstaða fundarins var sú að allir aðilar eru vel undirbúnir í samræmi við áætlanir sem fyrir liggja.

Lesa meira

Vinanet er nýtt samstarfsverkefni Hjálparsíma Rauða krossins 1717 og Ungmennadeildar Reykjavíkurdeildar Rauða krossins sem hóf starfsemi sína 1. febrúar 2009. Lesa meira

Þann 28. Febrúar síðastliðinn voru sjálfboðaliðar hjálparsíma Rauða krossins í kynningu vegna samstarfs 112 og 1717 Lesa meira

Á 112-deginum í síðustu viku veitti Neyðarlínan í fyrsta sinn viðurkenningu fyrir frammistöðu í neyðarvörslu. Að þessu sinni var neyðarvörður ársins (2008) valinn neyðarvörður sem hafði besta boðunartímann á árinu 2008. Lesa meira

Neyðarvörður frá 112 fór í tvo skóla í morgun og lögreglan fór einnig í heimsóknir í tilefni af 112 deginum í morgun. Lesa meira

Öryggi barna og ungmenna.
Dagur neyðarnúmersins, 112-dagurinn, er haldinn um allt land miðvikudaginn 11. febrúar. Að þessu sinni leggja samstarfsaðilarnir áherslu á að vekja athygli grunnskólabarna á því víðtæka öryggis- og velferðarneti sem þau hafa aðgang að í gegnum neyðarnúmerið ef eitthvað bjátar á. Lesa meira

112 Dagurinn hefur verið haldinn árlega síðan 2005 og ber hann ávallt upp á 11. febrúar. Markmið dagsins er að kynna neyðarnúmerið 112 og starfsemi hinna fjölmörgu neyðarþjónustuaðila sem tengjast því, efla vitund almennings um mikilvægi þessarar starfsemi og hvernig þjónustan nýtist almenningi.

Lesa meira

21. janúar tók 112 á móti Dennis Debbaudt, sérfræðingi í þjálfun viðbragðsaðila í framkomu við einhverfa einstaklinga.

Lesa meira

Það kemur fyrir að vafi komi upp í huga þess sem þarf aðstoðar við... "á ég að hringja í Neyðalínuna"... "mín neyð er kannski ekki neyð" .... "ég vil ekki trufla" ..... "einhver annar getur verið í neyð á meðan ég hringi".... "ég bíð til morguns"... "ég harka þetta af mér"..... og margar fleiri tilvitnanir væri hægt að nefna.

Svarið við þessum tilvitnunum og fleiri er og verður alltaf :  hringdu þótt þú sért í vafa,  við erum þér til aðstoðar.

Lesa meira

Markmið könnunarinnar var að kanna vitund og notkun á Neyðarlínunni og skoða þróun miðað við fyrri ár. Framkvæmdatími var >13. mars - 24. mars 2008.  Þetta var símakönnun og var 1350 manna slembiúrtak úr þjóðskrá tekið, fólk á aldrinum 16-75 ára af öllu landinu

Lesa meira

Neyð er frábrugðin daglegu lífi, þar sem m.a. heilsu, mannslífum eða eignum er ógnað. Undir slíkum kringumstæðum ber að hringja í Neyðarlínuna 112.

Lesa meira

Neyðarlínan afhendir Kristjáni formanni Dýra bílinn Lesa meira

LSS efndi til Eldvarnaátaks í nóvember 2007 í samstarfi við TM, Brunamálastofnun, SHS og önnur slökkvilið, 112 og fleiri aðila. Slökkviliðsmenn heimsóttu nær alla grunnskóla landsins, fræddu átta ára börn um eldvarnir og öryggismál og gáfu þeim kost á að taka þátt í Eldvarnagetrauninni 2007. Lesa meira

Þetta er í sjöunda sinn sem Rauði krossinn velur Skyndihjálparmann ársins. Viðurkenninguna hlýtur sá einstaklingur sem hefur á árinu veitt skyndihjálp á eftirtektarverðan hátt. Tilgangur tilnefningarinnar er ekki síður að hvetja aðra til að læra skyndihjálp og vera þar af leiðandi hæfari til að veita aðstoð á vettvangi slysa og áfalla. Lesa meira

112-dagurinn er nú haldinn hér á landi í fjórða sinn. Að honum standa Neyðarlínan 112 og þeir fjölmörgu sem starfa við heilbrigðisþjónustu, barnavernd, löggæslu, björgun og almannavarnir í lofti, á landi og sjó; lögreglan, slökkviliðin, Brunamálastofnun, Landhelgisgæslan, Slysavarnafélagið Landsbjörg, Rauði krossinn, Flugstoðir, Landssamband slökkviliðs- og sjúkraflutningamanna, landlæknisembættið og Barnaverndarstofa Lesa meira

Stefán Eiríksson, lögreglustjóri á höfuðborgarsvæðinu, opnaði sýninguna, en sýningin er haldin í tilefni af 112-deginum og stendur til 18. febrúar. Lesa meira

Heyrnarlausir, heyrnarskertir og aðrir sem eiga erfitt með að tala geta nú sent neyðarboð til 112 og átt samskipti við neyðarverði með SMS-skilaboðum. Með því aukast verulega líkur á að unnt verði að koma viðkomandi til aðstoðar á neyðarstundu.. Lesa meira

Í gær var undirritað samkomulag milli Landmælinga Íslands og

Björgunarmiðstöðvarinnar í Skógarhlíð um aukna notkun á

landupplýsingum við björgunarstörf.                                                                                                                

Lesa meira

Á hádegi 3. janúar 2006 tók Fjarskiptamiðstöð Ríkislögreglustjóra (FML) yfir samskipti við öll lögregluembætti landsins. Áður voru komin í þjónustu FML, lögregluembætti sem voru í TETRA fjarskiptakerfinu, Reykjavík, Kópavogur, Hafnarfjörður, Keflavík / Grindavík, Selfoss, Hvolsvöllur, Vík/Kirkjubæjarklaustur, Akureyri / Dalvík, Ísafjörður, Borgarnes og Akranes. Nú bætast við þau embætti sem eftir voru. Lesa meira

Eldvarnaátak Landssambands slökkviliðs- og sjúkraflutningamanna (LSS) hófst laugardaginn 19. nóvember með útgáfu forvarnablaðsins Slökkviliðsmaðurinn. Blaðinu er dreift í 70 þúsund eintökum um land allt en í því eru meðal annars ítarlegar leiðbeiningar um eldvarnir heimilanna.

Lesa meira

Eldvarnaátak Landssambands slökkviliðs- og sjúkraflutningamanna (LSS) hófst laugardaginn 19. nóvember með útgáfu forvarnablaðsins Slökkviliðsmaðurinn. Blaðinu er dreift í 70 þúsund eintökum um land allt en í því eru meðal annars ítarlegar leiðbeiningar um eldvarnir heimilanna.

Lesa meira

Eldvarnaátak Landssambands slökkviliðs- og sjúkraflutningamanna (LSS) hófst laugardaginn 19. nóvember með útgáfu forvarnablaðsins Slökkviliðsmaðurinn. Blaðinu er dreift í 70 þúsund eintökum um land allt en í því eru meðal annars ítarlegar leiðbeiningar um eldvarnir heimilanna.

Lesa meira

Æfing á viðbrögðum við alvarlegu slysi um borð í ferju verður haldin á laugardag á Seyðisfirði. Líkt verður eftir því að ferjan Sky Princess sé lögst að bryggju og afferming að hefjast.

Lesa meira

Í hverjum mánuði fara neyðarverðir á námskeið eða í starfstengdar kynningar sem gera þau hæfari í starfi. Námskeiðin – kynningarnar eru hluti af vinnuskyldu og fjalla í mörgum tilfellum um þær aðstæður sem viðbragðsaðilar og/ eða almenningur geta lent í. Lesa meira

Undirritaður var í dag samningur á milli fjarskiptamiðstöðvar

Ríkislögreglustjóra og Neyðarlínunnar 112. Samningurinn tekur m.a. til

verklags á milli starfsstöðva, samræmdri greiningu mála og viðbragðs.

Verklagsreglur þessar eru settar um hlutverk og samskipti Neyðarlínunnar við fjarskiptamiðstöð Ríkislögreglustjóra.

Lesa meira

Með bréfi 26. september sl. óskaði lögreglustjórinn í Rangárvallasýslu eftir því að almannavarnaæfingunni Bergrisinn 2005, sem átti að halda 21. til 23. október nk., yrði frestað svo að lengri tími gæfist til að undirbúa viðbragðsaðila og íbúa í Rangárvallasýslu en mikil þátttaka heimamanna er mikilvæg fyrir góðan árangur æfingarinnar.

Lesa meira

Almannavarnadeild Ríkislögreglustjórans stendur þann 21.- 23. október fyrir stórri allsherjaræfingu. Æfingin hefur hlotið nafnið Bergrisinn og tekur til hættu vegna hugsanlegra eldsumbrota undir Mýrdals- og Eyjafjallajöklum.

Lesa meira

Nú fer í loftið ný heimasíða Neyðarlínunnar 112. Hér mun verða að finna fróðleik og upplýsingar sem snúa að neyðarsímsvörun, neyðarsveitum og öðru sem okkur finnst að eigi að koma fyrir almenningssjónir og snýr að neyð og öryggismálum landsmanna. Starfsmenn Neyðarlínunnar 112 bera mikla ábyrgð sem tengiliðir almennings við neyðarsveitir landsins, heimasíðunni er ætlað að gefa innlit í störf þeirra. Lesa meira

Grein frá Ítalíu um íslensku Neyðarlínuna og fjallað um t.d. að skráðar eru leiðbeiningar í símaskrá og hvernig umhverfi Íslendingar eru með tengt neyðaratburðum. Til ánægju fylgir greinin hér beint og þá á Ítölsku. >>>Unico già attivo anche in Islanda (Agosto 2005)

L'Islanda, l'isola all'estremità occidentale dell'Europa del nord, paese che come la Norvegia non aderisce all'Europa Unita, ma che con essa ha accordi come l'adesione al trattato di Shengen, ha attivato il Numero Unico di Emergenza 112 al quale ci si può rivolgere per Vigili del Fuoco, Soccorso Sanitario, Polizia e Protezione Civile.

Lesa meira

Slagkraftur viðbragðsaðila, þ.e. björgunarfólks á höfuðborgarsvæðinu, getur verið býsna mikill í stóráföllum að mati Jóns Viðars Matthíassonar slökkviliðsstjóra á höfuðborgarsvæðinu (SHS), en það þarf að fá því svarað hvað viðbragðsaðilarnir geta nákvæmlega ráðið við stór áföll og hvort til séu viðbragðsáætlanir til að mæta þeim. Þetta kemur fram í skýrslu starfshóps Almannavarna á höfuðborgarsvæðinu sem lokið var við í febrúar á þessu ári.

Lesa meira

Á hverjum sólarhring, alla daga ársins eru 800 til 1000 símtöl sem berast í gegnum neyðarnúmerið 112. Eins og gefur að skilja eru erindin jafn mörg og innhringingar. Í þessum fjölda eru flest símtöl "alvöruerindi" en svo eru einstaklingar sem gera sér leik að því að hringja inn erindisleysu og/eða gefa rangar upplýsingar um atburði sem eru tilhæfulausir. Um allt land eru símasjálfsalar sem ókeypis er að hringja úr í 112. Úr sumum þeirra, bæði innan höfuðborgarsvæðisins og utan þess er mikil ánauð af erindislausum símtölum, yfirleitt í óvitaskap barna og unglinga. Símasjálfsalar sumra skóla landsins standa þarna uppúr yfir vetrarmánuðina. Þó að umrædd símtöl séu og geti skapað leiðindaálag eru önnur mun alvarlegri.

Lesa meira

30.apríl s.l. var gengið frá kaupum 112 á fullkomnum upptökubúnaði vegna allra samskipta sem fara um neyðarrnúmerið 112. Búnaðurinn nær einnig til allra fjarskipta og mun nýtast m.a. Fjarskiptamiðstöð lögreglu, Slökkviliði höfuðborgarsvæðisins og samhæfingarstöð Almannavarna.
Kaupverð búnaðar er rúmlega 10 milljónir og er söluaðili Nýherji Lesa meira

Skrifað hefur verið undir samning um að Slökkvilið Akureyrar annist þjónustuborð fyrir Neyðarlínuna 112 og er þjónustan þar með efld til muna á landsvísu. Bæjarstjóri, Kristján Þór Júlíusson, skrifaði undir samninginn fyrir hönd Akureyrarbæjar en Þórhallur Ólafsson, framkvæmdastjóri Neyðarlínunnar, fyrir hennar hönd. Undirskrift samningsins fór fram að viðstöddum yfirlögregluþjóni og öðrum lögreglumönnum í húsakynnum lögreglunnar við Þórunnarstræti þar sem þjónustuborðin eru til húsa.

Lesa meira

Fréttatilkynning vegna 112 dagsins, föstudagsins 11. febrúar 11.2 2005

Þegar á bjátar höfum við aðgang að geysilega öflugu neti viðbragðsaðila og hjálparliðs í gegnum eitt samræmt neyðarnúmer fyrir landið og miðin - 112. Með einu símtali í 112 er unnt að virkja á augabragði lögreglu, slökkvilið, almannavarnir, Landhelgisgæsluna, sjúkraflutningamenn, lækna, hjálparlið sjálfboðaliða og barnaverndarnefndir. Yfir 300 þúsund erindi bárust 112 á síðasta ári.

Árangur af starfi þessara aðila byggir á hraða, samvinnu og skipulagi.

Lesa meira

Björn Bjarnason, dóms- og kirkjumálaráðherra, flutti ræðuna, sem hér fylgir, á málþingi Alþjóðamálastofnunar Háskóla Íslands um áfallahjálp, sem haldið var í Norræna húsinu 14. desember. Ræðuna nefnir hann Rannsóknir í þágu þjóðaröryggis og vekur þar máls á því, að Íslendingar hafi viðurkennt nauðsyn eigin aðgerða vegna náttúruhamfara en hafi minni skilning á nauðsyn aðgerða vegna hamfara af mannavöldum. upphafi vil ég fagna því, að til þessa málþings um áfallastjórnun sé boðað. Ég viðurkenni, að ég gerði mér ekki grein fyrir því, að rannsóknir af þeim toga, sem hér verða kynntar, væru stundaðar innan vébanda Háskóla Íslands og í samvinnu við CRISMART rannsóknasetrið í Stokkhólmi undir handarjaðri varnarmálaháskóla Svía.

Ég þarf væntanlega ekki að skýra fyrir þeim, sem hér eru staddir, að um langt árabil hef ég bent á nauðsyn þess, að við Íslendingar ræddum öryggismál okkar af raunsæi í stað óskhyggju. Áfallastjórnun snýst um forvarnir og rétt viðbrögð við hættuástandi og að stjórnvöld ráði yfir skipulagi, mannafla og tækjum til slíkra viðbragða. Áfallastjórnun er þannig hluti öryggismála. Og á málþinginu verður sagt frá því, að íslensk stjórnvöld hafa oftar en einu sinni orðið að grípa til hennar.

Lesa meira

Markmið könnunarinnar var að kanna vitund og notkun á Neyðarlínunni og skoða þróun miðað við fyrri ár. Framkvæmdatími var >18. október - 2. nóvember 2004
Þetta var símakönnun og var 1350 manna slembiúrtak úr þjóðskrá tekið, fólk á aldrinum 16-75 ára af öllu landinu. Eftirfarandi eru spurningar sem lagðar voru fram Lesa meira

Dómsmálaráðherra, Björn Bjarnason, opnaði nýja varastöð fyrir, Neyðarlínuna, Almannavarnir og Fjarskiptamiðstöð lögreglunnar á Lögreglustöðinni á Akureyri sl. föstudag. 15. október kl.13:30, en þar er orðin stjórnstöð sem þjónar öllu landinu. Vaktstöð siglinga og stjórnstöð leitar og björgunar verður í sama húsnæði sem og stjórnstöð Almannavarnanefndar Eyjafjarðar.

Mikill metnaður heimamanna gerði þetta stórvirki að veruleika, og sá metnaður endurspeglaðist hvert sem litið var

Lesa meira

Þann 7. ágúst s.l. fluttu, Fjarskiptastöðin Gufunesi skiparadíó og Tilkynningaskylda íslenskra skipa, starfsemi sína í hús Neyðarlínunar 112 í Skógarhlíð og sameinuðust undir nafninu Vaktstöð siglinga, (VS). Starfsemin verður með óbreyttum hætti fyrst um sinn en gert er ráð fyrir að stjórnstöð Landhelgisgæslunnar (LHG) bætist í þennan hóp um n.k. áramót og mun þá Vaktstöð siglinga verða björgunarmiðstöð fyrir sæfarendur á norðurslóðum, auk þeirra starfa sem stöðinni er ætlað að sinna skv. lögum um vaktstöðina. Lesa meira

Karl Gústav Svíakonungur og Ólafur Ragnar Grímsson, forseti Íslands og föruneyti beggja, heimsóttu Neyðarlínuna 112 í Skógarhlíð í dag. Einnig skoðaði konungur, sem er í þriggja daga heimsókn hér á landi ásamt Silvíu drottningu og Viktoríu krónprinsessu, aðstöðu Slökkviliðs Höfuðborgarsvæðisins, Slysavarnarfélagsins Landsbjargar, Fjarskiptamiðstöðvar RLS og Samhæfingarmiðstöðvar almannavarna í Björgunarmiðstöðinni við Skógarhlíð. Lesa meira

Í gagnagrunni 112 eru allar neyðarsveitir og viðbragðsaðilar landsins. Þar á meðal eru öll umdæmi Vegagerðarinnar. Vegfarendur geta, hvar sem er á landinu, hringt í neyðarnúmerið 112 til að tilkynna eða koma áfram ábendingum t.d. ef vegir lokast vegna slysa, aurskriða, snjóflóða eða vegna annars sem heftir akstur um þjóðvegi landsins. Neyðarverðir 112 vinna eftir verklagi sem nær bæði til almennings eða frá skilgreindri neyðarsveit t.d. lögreglu.. Lesa meira

Erlendur ferðamaður var hætt kominn í sjónum fyrir neðan Vík í Mýrdal rétt fyrir kl. átta í kvöld. Maðurinn, 32 ára sundkennari frá Þýskalandi, var að synda í sjónum ásamt landa sínum í talsverðu brimi þegar aldan hreif hann með sér. Félagi mannsins reyndi að ná til hans en hann rak lengra út. Hljóp hann þá upp á þjóðveg og stöðvaði næsta bíl. Fólkið í honum, Íslendingar, brá skjótt við og hringdi í Neyðarlínuna, sem kallaði út lögreglu og björgunarsveitarmenn. Lesa meira

Embætti lögreglustjórans í Reykjavík tekur í notkun frá og með 19. júlí ný símanúmer fyrir embættið. Öllum símanúmerum vegna borðsíma og gsm síma verður breytt. Lögreglustjórinn í Reykjavík er að taka í gagnið nýja Centrex símalausn frá Símanum í stað hefðbundinnar símstöðvar sem þýðir m.a. að öll símanúmer embættisins virka eins og innanhússímkerfi, bæði borðsímar og gsm símar. Um leið og farið er í þessa breytingu þó rétt að skipta alveg um símanúmer hjá embættinu til að nýta betur ýmsa möguleika Centrex kerfisins og einnig til að eiga næg númer á lausu í einni talnaseríu fyrir næstu ár. Lesa meira

Á varðstofu 112 er rekin stjórnstöð Securitas. Á stjórnstöðinni taka neyðarverðir á móti boðum frá öryggiskerfum af ýmsu tagi svo sem innbrotakerfum, eldviðvörunarkerfum, neyðarhnöppum og öðrum boðgefandi kerfum, bæði frá heimilum og fyrirtækjum. Á milli 9.000 og 10.000 kerfi eru tengd stjórnstöðinni í dag. Stjórnstöðin hefur yfirumsjón með útköllum vegna þessarra kerfa allan sólarhringinn alla daga ársins. Á norðurlandi sér Securitas -Akureyri um vöktun og viðbragð vegna kerfa norðan heiða og á austurlandi sér útkallsþjónusta Securitas á Reyðarfirði um útköll og gæslu vegna kerfa og vöktunar m.a. í Fjarðabyggð. Lesa meira

Síðustu daga hafa tvö banaslys orðið þar sem bifhjól áttu hlut að máli. Umræða er í gangi í þjóðfélaginu vegna þessara tveggja hörmulegu slysa. Örn Þ. Þorvarðarson og Ágúst Mogensen gerðu skýrslu, sem samvinnuverkefni  Rannsóknarnefndar umferðarslysa, Bifhjólasamtaka lýðveldisins og Umferðarráðs, um bifhjólaslys á árunum 1991-2000 þar sem  skoðuð voru um 800 bifhjólaslys sem urðu á þessum árum. Margt athyglivert kemur fram í skýrslunni er varðar bifhjólaslys, meiðsl bifhjólamanna og þróun þessarra slysa Lesa meira

Svanborg VE, sökk um þrjár mílur utan við Vestmannaeyjar rétt eftir miðnætti í nótt,
Eftir að tilkynnt var um að báturinn væri að sökkva, fóru félagar í Björgunarsveit Vestmannaeyja á staðinn á björgunarskipinu Þór.
Áhöfnin tveir menn sem voru um borð höfðu þá komist um borð í björgunarbát.
Þeir voru teknir um borð í Þór og haldið með þá til Eyja, en þangað var komið með mennina rúmlega eitt í nótt. Lesa meira

Vettvangsæfing á vegum Flugmálastjórnar var haldinn á Ísafirði í gær, laugardag, en að auki tók samhæfingarstöð almannavarna í Björgunarmiðstöðinni í Skógarhlíð þátt í æfingunni. Ásamt Flugmálastjórn tóku eftirtaldir aðilar þátt í æfingunni á vettvangi: Almannavarnanefnd Ísafjarðarbæjar, björgunarsveitir Slysavarnafélagsins Landsbjargar, Landhelgisgæslan, lögregla, Rauði kross Íslands, slökkvilið, sjúkraflutningamenn, sjúkrahúsið á Ísafirði og Tilkynningarskylda íslenskra skipa. Lesa meira

Lesa meira

Landspítalinn mun veita ráðgjöf um læknisfræðileg álitaefni á öllum tímum sólarhringsins árið um kring og mun fara yfir og þróa verklagsreglur Neyðarlínunnar, sem lúta að svörun og viðbrögðum við slysum, sjúkdómum og öðru, sem snertir bráða heilbrigðisþjónustu. Þá mun spítalinn sjá um reglulega fræðslu fyrir starfsmenn Neyðarlínunnar. Brynjólfur Mogensen, sviðstjóri slysa- og bráðadeildar LSH, sem verður yfirlæknir um heilbrigðistengd málefni Neyðarlínunnar, sagði í viðtali að mjög mikil bráð heilsutengd starfsemi færi fram á Neyðarlínunni. ?Neyðarlínan þarf að hafa samstarfsaðila og hefur valið Landspítalann til þess að vera þessi bakhjarl, sem er nauðsynlegur. Lesa meira

Alþjóðaheilbrigðismálastofnunin (World Health Organization - WHO) hefur tilnefnt 7. apríl ár hvert sem alþjóðlegan heilbrigðisdag. Dagurinn er ætlaður til þess að hvetja til umræðu og fanga athygli almennings á mikilvægum heilbrigðismálum. Kjörorð dagsins í ár er umferðaröryggi og markar dagurinn jafnframt upphaf alþjóðlegs umferðaröryggisárs. Í tilefni af alþjóðaheilbrigðisdeginum í ár hefur samstarfshópur opinberra aðila, fyrirtækja og félagasamtaka tekið saman skýrsluna Afbrot í umferðinni. Lesa meira

Barnaverndarnefndir landsins undir forystu Barnaverndarstofu hafa gert samkomulag við 1-1-2 um að taka við tilkynningum, skrá helstu upplýsingar og koma þeim til viðkomandi barnaverndarnefndar. Ef talið er að barn geti verið í hættu er barnaverndarstarfsmaður tafarlaust kallaður út. Í tilvikum þar sem aðstæður barnsins eru ekki eins brýnar er upplýsingum komið áfram í upphafi næsta vinnudags. Samningurinn tók gildi 1. febrúar. Lesa meira