Samningur á milli Ríkislögreglustjóra og 112 undirritaður
Undirritaður var í dag samningur á milli fjarskiptamiðstöðvar Ríkislögreglustjóra og Neyðarlínunnar 112. Samningurinn tekur m.a. til verklags á milli starfsstöðva, samræmdri greiningu mála og viðbragðs. Verklagsreglur þessar eru settar um hlutverk og samskipti Neyðarlínunnar við fjarskiptamiðstöð ríkislögreglustjóra. Þær ber að skoða sem starfsfyrirmæli fyrir starfsmenn Neyðarlínunnar og fjarskiptamiðstöðvar ríkislögreglustjóra. Þær eru staðfestar af ríkislögreglustjóra og framkvæmdastjóra Neyðarlínunnar af hálfu hvors aðila fyrir sig og taka gildi við undirritun.
Við undirritun í dag, f.v. Jón F. Bjartmarz, Haraldur Johannessen og Þórhallur Ólafsson
