112 annast neyðarsímsvörun og boðun fyrir alla viðbragðsaðila vegna slysa, eldsvoða, afbrota, leitar, björgunar og náttúruhamfara hvort sem er á landi, sjó eða í lofti. Auk þess annast 112 símsvörun fyrir barnaverndarnefndir landsins.

Hlutverk neyðarvarða er að svara erindum á sem skemmstum tíma, greina þau, boða viðeigandi hjálparlið, veita hringjanda og hjálparliði þjónustu á meðan á útkalli og aðgerðum stendur og loks að gera skýrslu um atvikið.

Þjónustumarkmið 112 eru eftirfarandi:

  • Að símtölum í 112 sé svarað á innan við 8 sekúndum í 90% tilfella
  • Að boðun sjúkrabíla í neyðartilfelli F1/F2 eigi sér stað á innan 90 sekúndum frá upphafi símtals í 90% tilfella.

Niðurstöður 2013

Neyðarverðir afgreiddu 136.937 neyðarsímtöl 2013 sem er um 3.000 símtölum færra en árið 2012.

Heildarfjöldi erinda var 202.517 2013 sem er tæplega 10.000 erindum færra en árið 2012.

  • 96% símtala var svarað undir 8 sekúndum og meðalsvartími 4,8 sekúndur
  • Boðun í sjúkrabíla í neyðartilfelli F1/F2 var undir 90 sekúndum í 86,5% tilfella.

2013

 jafnlvottun

Neyðarlínan ohf. - Skógarhlíð 14 - 105 Reykjavík - kt. 511095-2559 - sími 570 2000 - fax 570 2001 - neydarlinan(hjá)112.is
Varðstofa 112 - fax varðstofu 570 2031 - tölvupóstur varðstofu vakt112(hjá)112.is