STK viðtaka á Miðfellsegg
Á mánudag s.l. flaug þyrla Landhelgisgæslu með STK viðtökubúnað upp á Miðfellsegg ofan við Jöklasel á Mýrum, hæðin sem tækið er á er um 1140m. Með tilkomu þessa tækis eru vonir bundnar við að SA svæðið verð að fullu vaktað. Tækið er eins útbúið og það sem hefur nú verið um eitt og hálft ár uppi á Drangajökli og eingöngu sólarrafhlöður sem sjá tækinu fyrir orku.
Mikil vinna var vegna uppsetningarinnar og komu björgunarsveitarmenn Landsbjargar og þyrla Landhelgisgæslunnar þar að. Við kunnum þeim allra bestu þakkir fyrir mikið og óeigingjarnt starf.
Nú er hafin vinna við undirbúning að koma upp tæki í Siglufjarðarskarði en ekki er alveg ljóst hvenær þeirri vinnu verður lokið.
Myndir úr ferðinni á Miðfellsegg
