Dvöl og ráðgjöf fyrir konur

Kvennaathvarf er hús þar sem konur og börnin þeirra geta búið í stuttan tíma ef þær geta ekki búið heima hjá sér út af ofbeldi. Ef þú hefur orðið fyrir ofbeldi getur þú talað við ráðgjafa í Kvennaathvarfinu. Þú þarft ekki að dvelja í húsinu. Það skiptir ekki máli þótt hafi átt sér stað fyrir löngu síðan. Það kostar ekkert að tala við ráðgjafa.

Ráðgjafar tala íslensku og ensku. Það er líka hægt að bóka viðtöl á frönsku og spænsku. Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól í athvarfinu. Þá geturðu farið í viðtal hjá ráðgjafa í Bjarkarhlíð og ef þér vantar húsnæði geturðu fengið að gista á hóteli.

Þú getur hringt allan sólarhringinn í Kvennaathvarfið í Reykjavík í síma 561 1205 til að fá stuðning. Þú getur líka sent þeim tölvupóst. Allar konur eru velkomnar: íslenskar, erlendar, fatlaðar, hinsegin, transkonur og á hvaða aldri sem er (eldri en 18 ára).

Kvennaathvarfið í Reykjavík hjálpar öllum konum sem hafa orðið fyrir ofbeldi, bæði með húsaskjól og ráðgjöf.

Önnur úrræði

Skoða öll úrræði

    Kvennaathvarfið á Akureyri

    Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi.

    Bjarkarhlíð

    Bjarkarhlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Öll aðstoð er á þínum forsendum.

    WOMEN

    WOMEN (Women Of Multicultural Ethnicity Network in Iceland) eru samtök kvenna af erlendum uppruna sem búa á Íslandi.