Saman gegn kynferðisofbeldi

Stígamót bjóða upp á viðtöl og sjálfshjálparhópa fyrir fólk sem hefur verið beitt kynferðisofbeldi. Það skiptir ekki máli þótt ofbeldið hafi átt sér stað fyrir löngu síðan, það er alltaf hægt að koma til Stígamóta og það kostar ekkert. Einnig er í boði ráðgjöf fyrir aðstandendur.

Stígamót bjóða alla velkomna óháð kyni, kyntjáningu, kynhneigð, fötlun, uppruna, efnhagsstöðu og dvalarleyfi svo eitthvað sé nefnt. Í húsinu er lyfta þannig að hægt er að komast í hjólastól. Þú getur fengið táknmálstúlkun ef þú þarft. Þú getur talað við ráðgjafa á íslensku, ensku eða á Norðurlandatungumáli. Fyrir önnur tungumál geturðu fengið túlk. Þú getur valið um karlkyns eða kvenkyns ráðgjafa.

Stígamót eru á Laugavegi 170 á annarri hæð. Þú getur pantað tíma hjá ráðgjafa í síma 562 6868 eða talað gegnum netspjall á vefsíðunni þeirra. Þar er opið alla virka daga frá kl. 9-18 nema á miðvikudögum frá kl. 13-18. Oftast er best að ná inn snemma á morgnana eða í hádeginu. Það er líka hægt að senda þeim tölvupóst á stigamot@stigamot.is.

  • Símanúmer

  • Heimilisfang

    Laugavegur 170, 105 Reykjavík. Skoða á korti
  • Aðgengi

    Gott aðgengi fyrir hjólastóla. Ráðgjafi sem þekkir vel réttindi fatlaðs fólks.
  • Tungumál

    Íslenska, English, dansk, norsk, svenska. Tungumála- og táknmálstúlkun.

Stígamót hjálpa fólki sem hafa orðið fyrir kynferðisofbeldi. Ekki skiptir máli hversu langt er síðan.

Önnur úrræði

Skoða öll úrræði

    Bjarkarhlíð

    Bjarkarhlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Öll aðstoð er á þínum forsendum.

    Bjarmahlíð á Akureyri

    Bjarmahlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Öll aðstoð er á þínum forsendum.

    Kvennaathvarfið í Reykjavík

    Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi.