Áður en þú mætir á neyðarmóttökuna getur verið gott að vita við hverju þú mátt búast.

Skoðun á neyðarmóttöku vegna kynferðisofbeldis

Áfallaviðbrögð við kynferðisofbeldi

Leiðarvísir um réttarvörslukerfið fyrir þolendur kynferðisbrota

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað óháð kyni, uppruna eða félagslegri stöðu. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er á Bústaðarvegi í Reykjavík. Þar er opið á virkum dögum frá 8:30 til 16:30. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst.

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Neyðarmóttakan á Akureyri tekur vel á móti þér allan sólarhringinn.

Á Norðurlandi er neyðarmóttaka fyrir þolendur kynferðisofbeldis á Sjúkrahúsinu á Akureyri. Þar er opið allan sólarhringinn, allt árið. Það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir. 

Á neyðarmóttökunni vinna hjúkrunarfræðingar, félagsfræðingar, sálfræðingar og læknar sem geta hjálpað þér andlega og líkamlega. 

Í skoðuninni er safnað sakargögnum sem hægt er að nýta ef þú ákveður að kæra. Til að auka líkurnar á að finna sakargögn er mikilvægt að koma eins fljótt og hægt er og ekki þvo þér eða fötin þín áður. Það er aldrei nein krafa um kæru.

Þú getur annað hvort komið beint eða hringt í síma 463 0800. 

Stuðningur og ráðgjöf vegna kynferðisofbeldis

Neyðarmóttakan á sjúkrahúsinu á Akureyri tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

Neyðarmóttaka á Akureyri vegna kynferðisofbeldis

Gott aðgengi fyrir hjólastóla. Ráðgjafi sem þekkir vel réttindi fatlaðs fólks.

Stígamót hjálpa fólki sem hafa orðið fyrir kynferðisofbeldi. Ekki skiptir máli hversu langt er síðan.

Stígamót bjóða upp á viðtöl og sjálfshjálparhópa fyrir fólk sem hefur verið beitt kynferðisofbeldi. Það skiptir ekki máli þótt ofbeldið hafi átt sér stað fyrir löngu síðan, það er alltaf hægt að koma til Stígamóta og það kostar ekkert. Einnig er í boði ráðgjöf fyrir aðstandendur.

Stígamót bjóða öll velkomin óháð kyni, kyntjáningu, kynhneigð, fötlun, uppruna,  efnahagsstöðu og dvalarleyfi svo eitthvað sé nefnt. Í húsinu er lyfta þannig að hægt er að komast í hjólastól. Þú getur fengið táknmálstúlkun ef þú þarft. Þú getur talað við ráðgjafa á íslensku, ensku eða á Norðurlandatungumáli. Fyrir önnur tungumál geturðu  fengið túlk. Þú getur valið um karlkyns eða kvenkyns ráðgjafa.

Stígamót taka ekki á móti börnum og unglingum undir 18 ára þar sem barnavernd sveitarfélaganna sér um þá aðstoð. Ef þig grunar eða veist um kynferðislegt ofbeldi gegn barni eða unglingi ættirðu að tilkynna það til 112. Öllum er þó velkomið að hafa samband við Stígamót til að fá nánari upplýsingar og leiðbeiningar.

Stígamót eru til húsa í Höfðabakka 9. Þú getur pantað tíma hjá ráðgjafa í síma 562 6868 eða á vefsíðunni þeirra. Þar er opið alla virka daga frá 9 til 16 nema á fimmtudögum frá 11 til 16. Oftast er best að ná inn snemma á morgnana eða í hádeginu. Það er líka hægt að senda þeim tölvupóst á stigamot@stigamot.is.

Íslenska, English, dansk, norsk, svenska. Tungumála- og táknmálstúlkun.

Stígamót, móttaka fyrir kynferðisofbeldi, kynferðisofbeldi, kynferðisleg áreitni, kynbundið ofbeldi, líkamlegt ofbeldi, árás, nauðgun, byrlun, minnisleysi, minnislaus, viðtal, sérfræðingur, hjálp, aðstoð, sjálfshjálparhópur, hjálp, 

Stígamót hjálpa öllum (konum, körlum og kynsegin fólki) sem hafa orðið fyrir kynferðislegu ofbeldi.

Kynferðislegt ofbeldi er það þegar einhver káfar á þér eða fær þig til að gera eitthvað kynferðislegt sem þú vilt ekki gera. Kynferðisleg áreitni með orðum og látbragði er líka ofbeldi.

Neyðarmóttakan er opin öllum, allan sólarhringinn.

Neyðarmóttaka vegna kynferðisofbeldis er á bráðamóttökunni á Landspítalanum í Fossvogi. Þar er alltaf opið og það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir. 

Á neyðarmóttökunni vinna hjúkrunarfræðingar, sálfræðingar og læknar sem geta hjálpað andlega og líkamlega. 

Það eru allir hvattir til að leita til neyðarmóttökunnar, hvort sem brotið verður kært eða ekki. 

Ef þú ákveður að kæra er hægt að nýta sakargögn sem safnað er í skoðuninni. Til að auka líkurnar á að finna slík gögn er mikilvægt að koma eins fljótt og hægt er. Ekki þvo þér eða fötin þín áður. Á neyðarmóttöku er hægt að fá aðstoð lögfræðings sem kallaður er réttargæslumaður. 

Sími bráðamóttökunnar er 543 2000 og það er opið allan sólarhringinn. Hægt er að ná sambandi beint við Neyðarmóttökuna á dagvinnutíma í síma 543 2094. Það er líka hægt að senda þeim tölvupóst á neydarmottaka@landspitali.is eða hafa samband gegnum netspjall á vefsíðu spítalans. 

Stuðningur og ráðgjöf vegna kynferðisofbeldis 

Neyðarmóttakan tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

543 2000 (allan sólarhringinn), beint 543 2094 (á dagvinnutíma)

Neyðarmóttaka vegna kynferðisofbeldis

Stuðningur og ráðgjöf vegna kynferðisofbeldis

Símanúmer

Heimilisfang

Tölvupóstur

Vefsíða

Aðgengi

Tungumál

Skoðun á neyðarmóttöku vegna kynferðisofbeldis

Meiri upplýsingar

Meiri aðstoð

Bjarkarhlíð

Neyðarmóttaka á Akureyri vegna kynferðisofbeldis

Stígamót

Kynferðislegt ofbeldi