Aflið hjálpar öllum sem hafa orðið fyrir kynferðisofbeldi eða ofbeldi í nánu sambandi.

Aflið eru samtök sem hjálpa fólki sem hefur orðið fyrir ofbeldi í nánum samböndum, kynferðisofbeldi eða hvers konar öðru ofbeldi. Þú getur fengið bæði einstaklingsráðgjöf og tekið þátt í hópastarfi. Aðstandendur eru velkomnir. Það kostar ekkert að tala við ráðgjafa.

Það er ekki lyfta í húsinu þannig að ef þú notar hjólastól kemst þú kannski ekki inn. Þá getur þú hringt í ráðgjafa og hitt hann á stað sem þú getur komist á í hjólastólnum. Þú getur talað íslensku eða ensku við ráðgjafa. Aflið borgar ekki fyrir táknmálstúlkun.

Aflið er í Aðalstræti 14 á Akureyri. Þú getur bókað tíma með því að hringja í síma 857 5959 eða sent þeim tölvupóst á aflidakureyri@gmail.com.

 Íslenska, English. Ekki boðið upp á táknmálstúlkun.

Aflið hjálpar fólki sem hefur orðið fyrir hvers konar ofbeldi.

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er í Norðlingaholti í Reykjavík. Þar er opið á virkum dögum frá 9–17. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi og þolendum mansals stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Láttu vita fyrirfram ef þú ert í hjólastól.

Kvennaathvarfið hjálpar öllum konum sem hafa orðið fyrir ofbeldi í nánu sambandi, bæði með húsaskjól og ráðgjöf.

Kvennaathvarf er hús þar sem konur  og börnin þeirra geta búið í stuttan tíma ef þær geta ekki búið heima hjá sér út af ofbeldi. Ef þú hefur orðið fyrir ofbeldi getur þú talað við ráðgjafa í Kvennaathvarfinu. Þú þarft ekki að dvelja í húsinu. Það skiptir ekki máli þótt ofbeldið hafi átt sér stað fyrir löngu síðan. Það kostar ekkert að tala við ráðgjafa.

Ráðgjafar tala íslensku og ensku. Það er líka hægt að bóka viðtöl á frönsku og spænsku. Þú getur fengið táknmálstúlkun og tungumálatúlkun ef þú þarft. Kvennaathvarfið er bæði í Reykjavík og á Akureyri, en athvörfin eru opin fyrir konur af öllu landinu.

Þú getur hringt allan sólarhringinn í Kvennaathvarfið í síma 561 1205 til að fá stuðning strax eða pantað þér tíma í ráðgjöf í gegnum vefsíðuna þeirra. Þú getur líka sent þeim tölvupóst á kvennaathvarf@kvennaathvarf.is. Allar konur eru velkomnar: íslenskar, erlendar, fatlaðar, hinsegin, transkonur og á hvaða aldri sem er (yfir 18 ára).

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi

Stafrænt ofbeldi er það þegar einhver notar tæki eða tækni til að fylgjast með þér, ógna þér, áreita þig eða niðurlægja þig.

Drekaslóð hjálpar öllu fólki sem hefur orðið fyrir ofbeldi. Þar er tekið vel á móti þér.

Drekaslóð er bæði með ráðgjöf og hópastarf fyrir einstaklinga sem hafa orðið fyrir ofbeldi. Ráðgjöfin er bæði fyrir fólk sem er að byrja í ráðgjöf í fyrsta sinn og líka fyrir fólk sem hefur fengið ráðgjöf áður. Ef þú hefur orðið fyrir einelti geturðu komið í Drekaslóð. Fyrsta viðtalið kostar ekki neitt en eftir það kostar viðtalið 2000 krónur.

Í húsi Drekaslóða er lyfta þannig að hægt er að komast í hjólastól. Drekaslóð borga ekki fyrir táknmálstúlkun.

Drekaslóð er í Borgartúni 3 á annarri hæð og síminn er 551 5511 eða 860 3358. Þú getur líka skoðað vefsíðuna þeirra eða sent þeim tölvupóst á drekaslod@drekaslod.is.

Ekki boðið upp á tungumála- eða táknmálstúlkun.

Drekaslóð hjálpar öllu fólki sem orðið hefur fyrir ofbeldi og aðstandendum þeirra.

Drekaslóð

Ráðgjöf og hópastarf fyrir þolendur

Símanúmer

Heimilisfang

Tölvupóstur

Vefsíða

Aðgengi

Tungumál

Fleiri úrræði

Aflið á Akureyri

Bjarkarhlíð

Kvennaathvarfið