112 Neyðarlínu smáforrit

Með 112 appinu er hægt að hafa samband við 112 án þess að hringja. Skýrar valmyndir hjálpa notandanum að greina frá því sem er að gerast, síðan er opnað fyrir texta samskipti við neyðarvörð. Um leið og samband er gefið til neyðarvarðar er staðsetning vettvangs send til Neyðarlínunnar ásamt upplýsingum um notanda og lýsingunni á því á hvað er á seyði. Þannig er hægt að bregðast enn hraðar við.

Appið byggir á hönnun fyrir heyrnarlaust fólk sem talar táknmál, einnig kallað döff fólk en hefur sannað sig sem handhæga lausn fyrir öll sem eiga erfitt erfitt með að hringja eða lýsa aðstæðum.