Beint í efni

Ofbeldishringurinn

Ofbeldissambönd fara oft eftir mynstri sem kallast ofbeldishringurinn. Þetta mynstur er ein af ástæðunum fyrir því að þolendur eiga erfitt með að fara úr sambandinu eða kæra geranda.

Ofbeldishringurinn

  1. Spenna safnast upp.
  2. Á einhverjum tímapunkti losnar um spennuna og gerandi beitir ofbeldi. Það getur til dæmis verið andlegt, líkamlegt eða kynferðis ofbeldi.
  3. Eftir ofbeldið koma „Hveitibrauðsdagar.“

Hveitibrauðsdagarnir einkennast af:

  • Gerandi sér eftir öllu.
  • Gerandi lofar að allt verði betra núna sem vekur von hjá þolanda.
  • Kærleikskaffæring (enska: love bombing) fylgir oft þessu tímabili.
  • Allt er rólegt og fullkomið og því engin ástæða fyrir þolanda að yfirgefa sambandið.

Spenna byrjar samt að safnast upp aftur og ofbeldishringurinn heldur áfram.