Manneskjan á myndinni er leið. Hún er með sítt hár, gleraugu, í rauðri peysu og dökkum buxum. Hún situr með lokuð augun. og heldur utan um hnén á sér með hægri höndinni en er eins og hún sé að teygja sig í áttina að einhverjum.

Fatima

Fatima er ung, írönsk stúlka sem fluttist hingað með fjölskyldu sinni fyrir nokkrum árum. Hún er í 8.bekk í grunnskóla á höfuðborgarsvæðinu og á marga góða vini í bekknum, bæði af íslenskum og erlendum uppruna. Undanfarnar vikur hefur Fatima labbað heim með Jóhanni bekkjarfélaga sínum og það er gaman af því hann er fyndinn, skemmtilegur og klár strákur. Bróðir hennar Fatimu er ekki hrifinn af vináttu þeirra og gefur Jóhanni illt auga í hvert sinn sem þeir mætast. Stuttu seinna tæklaði hann Jóhann svolítið harkalega í íþróttum en Jóhann gerði ekki mál úr því. Fatima og Jóhann hittast óvænt út í sjoppu eitt kvöldið og þau tala lengi saman þar. Daginn fyrir sumarfrí birtist pabbi hennar óvænt í skólanum og fylgdi henni heim. Sumarið leið án þess að Fatima væri sjáanleg og þegar skólinn byrjaði aftur kom Fatima ekki aftur í skólann.

Er þetta ofbeldi?