Beint í efni

Öllum er skylt að tilkynna til barnaverndarnefndar ef þeir hafa ástæðu til að ætla að barn búi við óviðunandi uppeldisaðstæður.

Barnaverndarlög 16. grein a.

Vanræksla

Vanræksla á barni er þegar það er ekki hugsað nógu vel um barnið þannig að skaði getur orðið á þroska þess.Vanræksla getur hafist strax í móðurkviði. Vanalega telst það ekki vanræksla þegar þörfum barns er ekki sinnt nógu vel í einstaka skipti. Vanræksla skiptist í fjóra flokka.

Líkamleg vanræksla

  • Barn fær ekki nauðsynlega heilbrigðisþjónustu.
  • Barn fær ekki mat eða föt við hæfi.
  • Hreinlæti barns er ekki fullnægjandi.
  • Húsnæði er ekki íbúðarhæft.

Vanræksla varðandi umsjón og eftirlit

  • Barn er skilið eftir eitt og eftirlitslaust án þess að hafa til þess aldur eða þroska.
  • Barn er skilið eftir hjá óhæfum einstaklingi.
  • Barn er skilið eftir hjá einhverjum óeðlilega lengi.
  • Barn er ekki verndað og jafnvel í hættu vegna annarlegs ástands foreldris vegna áfengis- eða vímuefnaneyslu.

Vanræksla varðandi nám

  • Barn kemur endurtekið í skólann án nauðsynlegra áhalda eða fatnaðar, og ábendingar til foreldra bera engan árangur.
  • Barn mætir illa í skóla og foreldrar láta það afskiptalaust.
  • Barn er ekki skráð í skóla eða missir mikið úr skóla vegna ólögmætra ástæðna, til dæmis vegna pössunar á yngri systkini eða foreldri vaknar ekki.
  • Foreldrar sinna ekki ábendingum skóla um sérfræðiaðstoð fyrir barnið.

Tilfinningaleg vanræksla.

  • Foreldri bregst seint eða ekki við, til dæmast þegar ungabarn grætur eða barn þarfnast stuðnings vegna utanaðkomandi áfalls.
  • Foreldri örvar ekki hugrænan þroska barns, til dæmis með því að láta sem það heyrir hvorki í barninu né sjái það.
  • Sjálfstæði barns fær litla örvun og barnið því svo ofverndað að það hefur áhrif á þroska þess.
  • Foreldri setur barni ekki eðlileg mörk og beitir því ekki aga.

Úrræði í boði

Skoða öll úrræði

    Barnavernd

    Markmið barnaverndarnefnda er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

    Þrjár dökkhærðar stelpur sitja á grasi. Þær snúa baki í myndavélina og spjalla saman.

    Barnaheill

    Barnaheill býður upp á ráðgjöf um allt varðandi börn. Á vefsíðu þeirra er hægt að benda á óviðeigandi hegðun gagnvart börnum á netinu.

    1717

    1717 er hjálparsími og netspjall Rauða Krossins sem er til staðar allan sólarhringinn ef þú vilt tala við einhvern. Ekkert vandamál er of lítið eða of stórt.