Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er í Norðlingaholti í Reykjavík. Þar er opið á virkum dögum frá 8:30–16:30. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi og þolendum mansals stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Samtökin '78 hjálpa öllu hinsegin fólki sem hefur orðið fyrir ofbeldi. Þú ert velkomin/nn/ð.

Samtökin ’78 eru félagasamtök hinsegins fólk. Samtökin bjóða upp á ráðgjöf til hinsegin fólks og aðstandenda, þar á meðal vegna ofbeldis. Markmið samtakanna er að styðja hvern og einn, veita aðstoð og vera til staðar. Þú ert aldrei ein, einn eða eitt. Fyrstu þrír tímar í ráðgjöfinni kosta ekki neitt. Ef þú vilt koma oftar geturðu samið um greiðslur og jafnvel fengið niðurgreitt af ríkinu.

Þangað er hægt að komast í hjólastól. Allir viðburðir samtakanna eru haldnir í aðgengilegu húsnæði. Þú getur fengið tungumála og táknmálstúlkun ef þú þarft.

Samtökin ’78 eru á Suðurgötu 3 í Reykjavík. Þar er opið á virkum dögum frá 13-16. Best er að bóka tíma á vefsíðunni þeirra. Þú getur líka hringt í síma 552 7878 eða sent þeim tölvupóst á skrifstofa@samtokin78.is.

Íslenska, English, Polski, Francais. Tungumála- og táknmálstúlkun.

Samtökin '78 bjóða upp á ráðgjöf fyrir hinsegin fólk sem hefur orðið fyrir ofbeldi í nánu sambandi.

WOMEN hjálpa erlendum konum á Íslandi sem verða fyrir ofbeldi.

Hjá WOMEN geta erlendar konur fengið ráðgjöf um réttindi sín og úrræði á Íslandi. WOMEN hjálpa sérstaklega konum sem verða fyrir ofbeldi. Ráðgjöfin kostar ekki neitt. Annað hvert þriðjudagskvöld frá 8-10 er jafningafræðsla þar sem þú getur mætt og talað við aðrar erlendar konur.

Ráðgjafar WOMEN tala íslensku, ensku og fleiri tungumál. Í húsi WOMEN er lyfta þannig að hægt er að komast í hjólastól. WOMEN borga ekki fyrir táknmálstúlkun. 

WOMEN er á Túngötu 14 í Reykjavík. Þú getur bókað viðtal með því að senda þeim tölvupóst á info@womeniniceland.is eða hafa samband gegnum vefsíðuna þeirra eða facebook.

Íslenska, English og fleiri tungumál. Tungumálatúlkun. Ekki boðið upp á táknmálstúlkun.

W.O.M.E.N. (Women Of Multicultural Ethnicity Network in Iceland) eru samtök kvenna af erlendum uppruna sem búa á Íslandi. Þar geta erlendar konur fengið ráðgjöf og stuðning.

Andlegt ofbeldi er þegar einhver hótar þér, gerir lítið úr þér eða lætur þér líða illa. Það getur verið bæði með orðum og hegðun.

Þú getur alltaf hringt í 1717. Fullur trúnaður og nafnleynd ríkir.

Þú getur hringt í símanúmerið 1717 eða talað gegnum netspjallið ef þú vilt tala við einhvern. Hægt er að hafa samband vegna alls þess sem þér liggur á hjarta. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis. Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt. Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins sem er til staðar allan sólarhringinn ef þú vilt tala við einhvern. Ekkert vandamál er of lítið eða of stórt.

1717

Ókeypis - Trúnaður - Alltaf opið

Símanúmer

Vefsíða

Tungumál

Fleiri úrræði

Bjarkarhlíð

Samtökin '78

WOMEN

Andlegt ofbeldi