Barnaheill

Heillabraut sem er verkefni Barnaheilla um kynheilbrigðismál og ofbeldisforvarnir. Markmið verkefnisins er fyrst og fremst að fækka kynferðisbrotum gegn börnum. Barnaheill bjóða upp á ýmis fræðsluerindi og námskeið, fyrir starfsfólk, forsjáraðila og ungmenni. Á síðu Heillabrautar er að finna ýmsa fræðslumola en einnig má lesa um þá fræðslu og námskeið sem í boði eru. Barnaheill heldur auk þess úti upplýsingasíðu um kynheilbrigði fyrir ungmenni, bæði á vefsíðunni þeirra og á Instagram

Barnaheill býður upp á ráðgjöf fyrir starfsfólk sem starfar með börnum og ungmennum og forsjáraðila ef kynferðisofbeldismál koma upp sem eru flókin eða óljós. Einnig geta forsjáraðilar óskað eftir samtali og ráðgjöf ef þeir vita ekki hvert þeir geta leitað eða eru ósáttir við þá þjónustu sem þeim hefur boðist. Ráðgjöfin er fyrst og fremst hugsuð sem samtal þar sem boðið er upp á hlustun og stuðning, leið til að spegla vandann og fá faglega aðstoð við að taka næstu skref.

Barnaheill heldur úti stuðningshópi fyrir forsjáraðila barna sem orðið hafa fyrir kynferðisbroti af hendi fullorðinnar manneskju. Hópurinn hittist 2x í mánuði.

Hægt er að óska eftir ráðgjöf eða skrá sig í stuðningshóp með því að senda tölvupóst á barnaheill@barnaheill.is eða kolla@barnaheill.is

Ef þig grunar að barn er beitt ofbeldi er þér skylt að tilkynna það til barnaverndar. Mundu að barn á alltaf að njóta vafans. Til að tilkynna getur þú annað hvort hringt í 112 eða notað netspjall 112.