Þú getur hjálpað til við að eyða því versta. Barnaheill tekur við tilkynningum um óæskilega hegðun gagnvart börnum á netinu og kemur því áfram til lögreglu.

Þú getur hjálpað okkur að eyða því versta - Ábendingalína Barnaheilla

Barnasáttmálinn fjallar um vernd barna og réttindi þeirra.

Losaðu þig við áhyggjurnar og komdu þeim í farveg. Tilkynntu um mál sem varða börn til 112.

Öll undir 18 ára teljast börn, einnig ófædd börn. Ef þú heldur að barn sé beitt ofbeldi eða búi við vanrækslu ættirðu að láta barnavernd vita. Til dæmis ætti að tilkynna vanrækslu, slæma framkomu foreldra gagnvart barni, áreitni eða ofbeldi annarra gagnvart barni og áhættuhegðun barna. Ekki treysta á að aðrir láti vita. Það er líka mikilvægt að tilkynna aftur ef ástandið breytist ekki.

Markmið barnaverndar er fyrst og fremst að koma börnum og fjölskyldum til aðstoðar. Barnaverndarlög segja að aðstoða eigi börn sem búa við óviðunandi aðstæður eða börn sem stofna heilsu sinni og þroska í hættu. Það er gert með því að styrkja fjölskyldur í uppeldishlutverki sínu og vernda einstaka börn þegar það á við.

Barnavernd leggur áherslu á samvinnu við foreldra og börn. Velferð barnsins er alltaf í forgangi. Börn eru höfð í samráði – eftir því sem aldur þeirra og þroski leyfir.

Þú getur tilkynnt til barnaverndar með því að hringja í 112 eða gegnum netspjall 112. Einnig er hægt er að hringja í þá barnaverndarþjónustu þar sem barnið býr. Fyrir börn í Reykjavík er hægt að senda tilkynningu á vefsíðu borgarinnar. Í sumum öðrum sveitarfélögum er líka hægt að tilkynna gegnum vef þeirra, til dæmis á Akureyri, Hafnarfirði, Kópavogi og Garðabæ.

Þú þarft að segja til nafns þegar þú tilkynnir en getur alltaf óskað eftir nafnleynd gagnvart öðrum en barnaverndinni.

Börn geta líka haft samband sjálf. Það er allt í lagi að tilkynna þótt maður sé ekki alveg viss. Mundu að börn eiga alltaf að njóta vafans.

Barnavernd tryggir vernd og umönnun barna

barnavernd, börn, hagur barna, vernd, hjálp, aðstoð, heilbrigði, mannréttindi, vanræksla, barnaverndarnefnd, áhættuhegðun, tilkynna, barnaverndarlög, foreldrar, barn, krakkar, krakki

Markmið barnaverndar er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Neyðarverðir koma þér í samband við lögreglu ef þig vantar aðstoð vegna ofbeldis.

Þú getur talað við lögregluna ef einhver hefur ráðist á þig, meitt þig eða gert eitthvað við þig sem þú vildir ekki. Ofbeldi í nánum samböndum er í forgangi hjá lögreglu. Hægt er að hringja eða senda sms í 112, nota netspjall 112 eða fara á næstu lögreglustöð.

Það er einnig hægt að tala við lögregluþjón í Bjarkarhlíð í Reykjavík eða Bjarmahlíð á Akureyri. Það getur oft verið þægilegra. Þar er engin pressa á ákæru. Allt er tekið á þínum forsendum.

Lögreglan hjálpar fólki sem verður fyrir ofbeldi. Ofbeldi í nánum samböndum er litið mjög alvarlegum augum hjá lögreglunni. 

Þú getur alltaf hringt í 1717. Það er fullur trúnaður og nafnleynd.

Þú getur hringt í símanúmerið 1717 eða talað gegnum netspjall Rauða Krossins ef þú vilt tala við einhvern. Þjálfað og reynslumikið fólk á öllum aldri sjá um að svara. Þú getur talað um hvað sem þú vilt. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis.

Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt.

Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins ef þú vilt tala við einhvern. Það er opið allan sólarhringinn. Ekkert vandamál er of lítið eða of stórt.

Kenndu börnum leiðir til að koma í veg fyrir stafræn brot og leiðir til að takast á við það ef það gerist.

Talaðu við börn um örugg netsamskipti

Hjá Barnaheill geturðu fengið ráðgjöf um málefni barna.

Barnaheill eru samtök sem vinna að réttindum og velferð barna. Þau hafa barnasáttmála Sameinuðu þjóðanna að leiðarljósi. Hjá þeim geturðu fengið ráðgjöf um hvernig bregðast megi sem best við aðstæðum sem varða börn. Þú getur meðal annars leitað til þeirra með lögfræðileg mál eða vegna ofbeldis gegn börnum.

Á vefsíðu þeirra er hægt að tilkynna ólöglegt og óviðeigandi efni þar sem börn birtast eða er beint að börnum. Börn geta tilkynnt efni sem varðar þau sjálf eða aðra. Tilkynningar eru nafnlausar og eru sendar áfram til lögreglu.

Ef þig grunar að barn er beitt ofbeldi er þér skylt að tilkynna það til barnaverndar. Mundu að barn á alltaf að njóta vafans. Til að tilkynna getur þú annað hvort hringt í 112 eða notað netspjall 112. Til að fá ráðgjöf hjá Barnaheill, hringdu í síma 553 5900 eða sendu þeim tölvupóst á radgjof@barnaheill.is.

Íslenska, english, polskie og คนไทย.

Barnaheill býður upp á ráðgjöf um allt varðandi börn. Á vefsíðu þeirra er hægt að benda á óviðeigandi hegðun gagnvart börnum á netinu.

Barnaheill

Tilkynna óæskilega hegðun

Símanúmer

Heimilisfang

Tölvupóstur

Vefsíða

Tungumál

Ábendingalína Barnaheilla

Barnasáttmálinn fjallar um vernd barna og réttindi þeirra.

Aðstoð í boði

Barnavernd

Lögreglan

1717

Talaðu við börn um örugg netsamskipti