Beint í efni

Umboðsmaður barna

Umboðsmaður barna er opinber talsmaður barna og vinnur að því að tekið sé fullt tillit til réttinda, þarfa og hagsmuna barna.

Umboðsmaður Barna Merki

Réttindi barna

Hlutverk umboðsmanns barna er að passa að tekið sé tillit til réttinda, þarfa og hagsmuna barna. Salvör Nordal er umboðsmaður barna á Íslandi og á vefsíðunni barn.is er hægt að finna fullt af fróðleik um réttindi barna. Öll geta leitað til umboðsmanns barna og spurningum frá börnum er alltaf svarað fyrst.

Meðal verkefna er að fræða börn og fullorðna um barnasáttmálann, skapa umræðu í samfélaginu um málefni barna og að afla og birta upplýsingar um aðstæður barna og stöðu tiltekinna hópa barna.

Krakkar á aldrinum 12 til 17 ára geta tekið þátt í ráðgjafarhópi umboðsmanna barna, hópurinn tekur virkan þátt í starfi embættisins. Þú getur skráð þig í ráðgjafarhópinn hér.

Á vefsíðunni getur þú sent inn spurningu um hvað sem er, þar er líka hægt að skoða eldri svör en spurningar og svör eru aldrei birt nema það sé óskað eftir því. Þú getur líka hringt ókeypis í barnasímann 800 5999 og fylgst með Umboðsmanni barna á Facebook eða instagram.

Einnig er hægt að hafa samband símleiðis með almennar fyrirspurnir í síma 552 8999.

Öflugt ráðgjafarteymi sérfræðinga svarar spurningum barna. 100% trúnaður.

Senda inn spurningu

Aðstoð í boði

Sjá alla aðstoð
Glöð börn að hoppa út í sundlaug.

Barnavernd

Markmið barnaverndar er að styðja foreldra til að hugsa vel um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Lesa meira
Þrjár dökkhærðar stelpur sitja á grasi. Þær snúa baki í myndavélina og spjalla saman.

Barnaheill

Barnaheill eru barnaréttindasamtök sem standa vörð um réttindi barna, berjast gegn einelti og kynferðisofbeldi á börnum. Samtökin leggja áherslu á að efla áhrifamátt barna í samfélaginu.

Lesa meira
Bergið Headspace

Bergið headspace

Bergið headspace er lágþröskulda stuðnings- og ráðgjafaþjónusta fyrir ungt fólk á aldrinum 12–25 ára. Þar er lögð áhersla á að skapa öruggt, aðgengilegt rými þar sem ungt fólk getur fengið stuðning á eigin forsendum hvort sem um ræðir lítil áhyggjuefni eða stærri áskoranir.

Lesa meira

Börn og unglingar

Fræðsla fyrir börn og unglinga um ofbeldi. Það er alltaf betra að segja frá.

Lesa um réttindi barna og unglinga

Heilbrigður líkami og sjálfsmynd

Það er mikilvægt að huga snemma að sjálfsmynd sinni og heilbrigðum líkama. Hér getur þú lesið um hvernig þú getur styrkt sjálfsmynd þína. Líka um hvernig þú getur sett mörk til að passa upp á líkama þinn og sál.

Lesa um heilbrigðan líkama og sjálfsmynd