Það má ekki beita þig eða aðra ofbeldi

Það getur verið erfitt að trúa því að einhver vilji meiða eða hræða aðra. En fólk gerir stundum svoleiðis til að stjórna öðrum. Það kallast ofbeldi. Það er aldrei í lagi að beita ofbeldi.

Það eru margir sem geta hjálpað þeim sem verða fyrir ofbeldi, ef sagt er frá því. Fólk sem meiðir og særir getur líka fengið hjálp. Það er ekki endilega tekið í burtu heldur getur það fengið hjálp til að breyta hegðun sinni.

Þegar einn eða fleiri eru oft leiðinlegir við sömu manneskjuna er það einelti.

Heimilisofbeldi getur gerst í hvernig fjölskyldum sem er.

Að taka eða senda kynferðislega mynd eða myndband af börnum er ólöglegt.

Kynferðisofbeldi er það þegar einhver vill snerta mann á einkastöðum eða fá mann til snerta sig og að það sé leyndarmál.

Ef þú eða einhver sem þú þekkir verður fyrir ofbeldi er best að segja einhverjum fullorðnum sem þú treystir frá. Það getur verið einhver í fjölskyldunni, kennari eða foreldrar vina þinna. Ef það er enginn sem þér finnst þægilegt að tala við geturðu talað hringt í barnanúmerið 112. Þá fær fjölskyldan stuðning til að leysa vandamálið.

Unglingar gegn ofbeldi 2021

Þú getur alltaf fengið hjálp í síma 112 eða á netspjalli 112.

Við erum öll með mismunandi útlit og viljum mismunandi hluti. Það er mikilvægt að líða vel með sjálfan sig og segja hvað maður vill og vill ekki. 

Barnasáttmálinn útskýrir réttindi barna

Öflugt ráðgjafarteymi sérfræðinga svarar spurningum barna. 100% trúnaður.

Hlutverk Umboðsmanns barna er að passa að tekið sé tillit til réttinda, þarfa og hagsmuna barna. Salvör Nordal er umboðsmaður barna á Íslandi og á vefsíðunni barn.is er hægt að finna fullt af fróðleik um réttindi barna. Öll geta leitað til umboðsmanns barna og spurningum frá börnum er alltaf svarað fyrst. 

Meðal verkefna er að fræða börn og fullorðna um barnasáttmálann, skapa umræðu í samfélaginu um málefni barna og að afla og birta upplýsingar um aðstæður barna og stöðu tiltekinna hópa barna.

Krakkar á aldrinum 12 til 17 ára geta tekið þátt í ráðgjafarhópi Umboðsmanna barna, þar sem krakkar hittast og tala um hvernig megi bæta mannréttindi barna. Þú getur skráð þig í ráðgjafarhópinn hér.

Á vefsíðunni getur þú sent inn spurningu um hvað sem er. Engin spurning er of vitlaus eða kjánaleg. Spurningum er svarað eins fljótt og hægt er og birtast nafnlaust á síðunni. Þú getur líka hringt ókeypis í barnasímann 800 5999. og fylgst með Umboðsmanni barna á Facebook eða instagram.

Umboðsmaður barna er opinber talsmaður barna og vinnur að því að tekið sé fullt tillit til réttinda, þarfa og hagsmuna barna.

Engin spurning eða pæling er heimskuleg.

Sjúktspjall er nafnlaust netspjall fyrir ungmenni til að ræða áhyggjur af samböndunum sínum, samskiptum eða ofbeldi. Spjallið er fyrir ungmenni yngri en 20 ára af öllum kynjum.

Á spjallinu talar þú við Sjúkást ráðgjafa sem eru þjálfaðir af Stígamótum og veita aðstoð, stuðning og upplýsingar um ýmislegt sem tengist samskiptum og ofbeldi. Þú kemur inn á spjallið á eigin forsendum og þarft ekki að gefa upp nafn eða aðrar persónuupplýsingar.

Það skiptir ekki máli hvort ofbeldið eða óheilbrigðu samskiptin áttu sér stað nýlega eða fyrir löngu síðan. Þú getur alltaf spjallað. Markmiðið er að hjálpa þér að skilja hvað gerðist, að þér líði betur og fáir stuðning við að taka næstu skref.

Spjallið er opið mánudags-, þriðjudags- og miðvikudagskvöld frá 8 til 10.

Nafnlaust netspjall fyrir ungmenni til að ræða áhyggjur af samböndum, samskiptum eða ofbeldi.

Losaðu þig við áhyggjurnar og komdu þeim í farveg. Tilkynntu um mál sem varða börn til 112.

Öll undir 18 ára teljast börn, einnig ófædd börn. Ef þú heldur að barn sé beitt ofbeldi eða búi við vanrækslu ættirðu að láta barnavernd vita. Til dæmis ætti að tilkynna vanrækslu, slæma framkomu foreldra gagnvart barni, áreitni eða ofbeldi annarra gagnvart barni og áhættuhegðun barna. Ekki treysta á að aðrir láti vita. Það er líka mikilvægt að tilkynna aftur ef ástandið breytist ekki.

Markmið barnaverndar er fyrst og fremst að koma börnum og fjölskyldum til aðstoðar. Barnaverndarlög segja að aðstoða eigi börn sem búa við óviðunandi aðstæður eða börn sem stofna heilsu sinni og þroska í hættu. Það er gert með því að styrkja fjölskyldur í uppeldishlutverki sínu og vernda einstaka börn þegar það á við.

Barnavernd leggur áherslu á samvinnu við foreldra og börn. Velferð barnsins er alltaf í forgangi. Börn eru höfð í samráði – eftir því sem aldur þeirra og þroski leyfir.

Þú getur tilkynnt til barnaverndar með því að hringja í 112 eða gegnum netspjall 112. Einnig er hægt er að hringja í þá barnaverndarþjónustu þar sem barnið býr. Fyrir börn í Reykjavík er hægt að senda tilkynningu á vefsíðu borgarinnar. Í sumum öðrum sveitarfélögum er líka hægt að tilkynna gegnum vef þeirra, til dæmis á Akureyri, Hafnarfirði, Kópavogi og Garðabæ.

Þú þarft að segja til nafns þegar þú tilkynnir en getur alltaf óskað eftir nafnleynd gagnvart öðrum en barnaverndinni.

Börn geta líka haft samband sjálf. Það er allt í lagi að tilkynna þótt maður sé ekki alveg viss. Mundu að börn eiga alltaf að njóta vafans.

Barnavernd tryggir vernd og umönnun barna

barnavernd, börn, hagur barna, vernd, hjálp, aðstoð, heilbrigði, mannréttindi, vanræksla, barnaverndarnefnd, áhættuhegðun, tilkynna, barnaverndarlög, foreldrar, barn, krakkar, krakki

Markmið barnaverndar er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Lestu meira um ofbeldi meðal ungmenna, einelti og um heilbrigð samskipti og kynlíf í samböndum hjá ungu fólki.

Ofbeldi er það þegar einhver meiðir þig eða lætur þér líða illa. Það er aldrei í lagi að beita ofbeldi. Þú getur alltaf fengið hjálp.

Ofbeldi er það þegar einhver meiðir þig eða lætur þér líða illa

Fræðsla um ofbeldi fyrir krakka

Það má ekki beita þig eða aðra ofbeldi

Mismunandi ofbeldi

Einelti hjá börnum

Heimilisofbeldi hjá börnum

Stafrænt kynferðisofbeldi gegn börnum

Kynferðisofbeldi gegn börnum

Segðu frá

Heilbrigður líkami og sjálfsmynd

Börn eiga sinn rétt samkvæmt lögum

Úrræði

Umboðsmaður barna

Sjúkt spjall

Barnavernd

Unglingar