Ef þú átt í vandræðum með að ná sambandi við 112, smelltu þá á netspjall eða hringdu í 599-0112. Aðrar leiðir til að ná sambandi
Neyðarlínan veitir neyðar- og öryggisþjónustu
Neyðarverðir Neyðarlínunnar eru á vakt allan sólarhringinn, tilbúnir að veita aðstoð á láði eða legi.
Neyðarlínan sér um neyðar- og öryggisþjónustu á Íslandi og starfrækir til þess 112. Rekstur neyðarvaktstöðvar er í samræmi við lög um samræmda neyðarsvörun nr. 40/2008. Neyðarlínan boðar björgunar- og neyðarsveitir á öllu landinu og er tengiliður milli almennings og viðbragðsaðila.
Stefna Neyðarlínunnar er að vera ávallt í fararbroddi á sínu sviði. Þekking og færni starfsfólks er ein dýrmætasta eign sérhvers fyrirtækis og ljóst að hæft starfsfólk er grunnurinn að góðum árangri Neyðarlínunnar.
Neyðarlínan rekur fullkomnustu vaktstöð á landinu sem nýtir nýjustu upplýsinga- og fjarskiptatækni. Í vaktstöð Neyðarlínunnar svara neyðarverðir beiðnum um hjálp gegnum síma og netspjall 112 allan sólarhringinn, árið um kring. Hlutverk 112 er að bjóða upp á eitt samræmt neyðarnúmer sem veitir mannúðlega, óhlutdræga og áreiðanlega þjónustu.
Sumarhúsaeigendum stendur til boða að merkja sumarhús sín með fasteignanúmeri og neyðarnúmerinu, 112 til að til að auka öryggi og geta veitt björgunarliði nákvæmari upplýsingar þegar hætta steðjar að.
