Aðgengi fyrir hjólastóla. Ekki táknmálstúlkun.

Fjölmenningarsetrið veitir innflytjendum á Íslandi upplýsingar um réttindi sín.

Fjölmenningarsetrið þjónustar innflytjendur og flóttafólk sem búa á Íslandi. Þar geturðu fengið upplýsingar um réttindi þín á Íslandi, hvernig daglegt líf og stjórnsýsla er hérlendis. Einnig er stutt við flutning til og frá Íslandi. Stofnanir, fyrirtæki og félagasamtök geta líka fengið upplýsingar og aðstoð við málefni innflytjenda. Ýmsar upplýsingar má nálgast á vefsíðu Fjölmenningarseturs, til dæmis:

Þú getur fengið tungumálatúlkun til að tala við ráðgjafa Fjölmenningarsetursins. Það er aðgengi fyrir hjólastól á staðnum en samt best að láta vita fyrirfram. Það er ekki boðið upp á táknmálstúlkun.

Fjölmenningarsetrið er við Árnagötu 2-4 á Ísafirði en þjónustar allt landið. Skrifstofan er opin frá opin á virkum dögum frá 9 til 4. Best er að hringja í síma 450 3090 eða senda tölvupóst á mcc@mcc.is.

Hjá Fjölmenningarsetrinu geta innflytjendur á Íslandi fengið upplýsingar um réttindi sín og aðstoð við að flytja til eða frá landinu.

WOMEN hjálpa erlendum konum á Íslandi sem verða fyrir ofbeldi.

Hjá WOMEN geta erlendar konur fengið ráðgjöf um réttindi sín og úrræði á Íslandi. WOMEN hjálpa sérstaklega konum sem verða fyrir ofbeldi. Ráðgjöfin kostar ekki neitt. Annað hvert þriðjudagskvöld frá 8 til 10 er jafningafræðsla þar sem þú getur mætt og talað við aðrar erlendar konur.

Ráðgjafar WOMEN tala íslensku, ensku og fleiri tungumál. Í húsi WOMEN er lyfta þannig að hægt er að komast í hjólastól. WOMEN borga ekki fyrir táknmálstúlkun. 

WOMEN er á Túngötu 14 í Reykjavík. Þú getur bókað viðtal með því að senda þeim tölvupóst á info@womeniniceland.is eða hafa samband gegnum vefsíðuna þeirra eða facebook.

Íslenska, English og fleiri tungumál. Tungumálatúlkun. Ekki boðið upp á táknmálstúlkun.

W.O.M.E.N. (Women Of Multicultural Ethnicity Network in Iceland) eru samtök kvenna af erlendum uppruna sem búa á Íslandi. Þar geta erlendar konur fengið ráðgjöf og stuðning.

Láttu vita fyrirfram ef þú ert í hjólastól.

Kvennaráðgjöfin býður upp á ókeypis lögfræði- og félagsráðgjöf vegna ofbeldismála.

Ef þig vantar lögfræðiaðstoð vegna ofbeldismáls geturðu talað við ráðgjafa hjá Kvennaráðgjöfinni. Kvennaráðgjöfin veitir konum stuðning og ráðgjöf en ráðgjöfin er líka opin körlum. Ráðgjöfin kostar ekki neitt. Ekki þarf að gefa upp nafn eða aðrar persónuupplýsingar til að fá ráðgjöf.

Kvennaráðgjöfin er á 2. hæð en það er ekki lyfta í húsinu. Ef þú ert í hjólastól þarftu að taka það fram og þá er tekið á móti þér á 1. hæð. Kvennaráðgjöfin borgar ekki fyrir táknmálstúlk. Ef þú þarft tungumálatúlk er leitað hjálpar hjá WOMEN (samtökum erlendra kvenna á Íslandi) sem eru í sama húsi.

Kvennaráðgjöfin er á Túngötu 14 (Hallveigarstöðum) í Reykjavík. Opnunartímar eru þriðjudaga frá 20 til 22 og fimmtudaga frá 14 til 16. Það má bæði koma á staðinn og hringja í síma 552 1500. 

Tungumálatúlkun. Ekki táknmálstúlkun.

Kvennaráðgjöfin er ókeypis lögfræði- og félagsráðgjöf fyrir konur.

Fjárhagslegt ofbeldi er þegar einhver svíkur af þér peninga, tekur peninga þína af þér eða neitar að láta þig fá peningana þína.

Mannréttindaskrifstofa hjálpar öllum innflytjendum sem vantar lögfræðiráðgjöf.

Mannréttindaskrifstofan fylgist með stöðu mannréttinda á Íslandi. Ef þú ert innflytjandi og vantar lögfræðiráðgjöf vegna ofbeldis getur þú talað við ráðgjafa hjá Mannréttindaskrifstofu.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft. Þá þarftu bara að bóka með fyrirvara.

Ráðgjöfin er á Túngötu 14 og er opin á þriðjudögum frá 14 til 19 og á föstudögum frá 9 til 14. Það þarf að bóka tíma í síma 552 2720 eða senda þeim tölvupóst á info@humanrights.is.

Hjá Mannréttindaskrifstofu fá innflytjendur ókeypis lögfræðiráðgjöf.

Mannréttindaskrifstofa

Ókeypis lögfræðiráðgjöf

Símanúmer

Heimilisfang

Tölvupóstur

Vefsíða

Aðgengi

Tungumál

Fleiri úrræði

Fjölmenningarsetur

WOMEN

Kvennaráðgjöfin

Fjárhagslegt ofbeldi