Suðurlandsbraut 50, bláu húsin Skeifunni

Hringdu í Foreldrasímann fyrir ráðgjöf og stuðning allan sólarhringinn.

Foreldrahús er heildstætt úrræði sem veitir ráðgjöf vegna áfengis- og vímuefnaneyslu unglinga, uppeldis- og sálfræðiráðgjöf vegna áhættuhegðunar og hegðunarvanda, fjölskylduráðgjöf sem og listmeðferð fyrir börn, unglinga og foreldra þeirra. Foreldrahús sinnir líka ráðgjöf vegna fjölbreyttari vanda barna, unglinga og fjölskyldu í heild sinni. Má þar nefna einelti, félagslega erfiðleika, vanlíðan, kvíða og námskeið fyrir foreldra sem vilja styrkja sig í uppeldishlutverkinu.

Foreldrahús tekur á móti öllum sem leita til þeirra. Það skiptir miklu máli fyrir þroska og velferð barna og unglinga að bregðast við vanda sem fyrst.

Ráðgjafar tala íslensku, ensku, sænsku og dönsku. Þú getur fengið táknmálstúlkun og tungumálatúlkun í samstarfi við félagsþjónustu eða barnavernd ef þarf. Það er ekki aðgengi fyrir hjólastól á skrifstofunni.

Þú getur sent þeim tölvupóst á foreldrahus@foreldrahus.is til að fá ráðgjöf eða bóka tíma með ráðgjafa. Þú getur líka hringt alla virka daga 9-16 til að fá ráðgjöf í síma 511 6160. Foreldrasíminn 581 1799 er neyðarsími sem er opinn allan sólarhringinn. Þar veita vímuefna- og foreldraráðgjafar foreldrum ráðgjöf og stuðning. 

Stuðningur og valdefling foreldra á erfiðum tímum

Íslenska, English, dansk, svenska. Tungumála- og táknmálstúlkun á vegum tilvísunaraðila.

Foreldrahús veitir börnum, unglingum og foreldrum ráðgjöf, meðal annars vegna áfengis- og vímuefnaneyslu unglinga, áhættuhegðunar og hegðunarvanda. Foreldrasíminn 581 1799 er opinn allan sólarhringinn.

Losaðu þig við áhyggjurnar og komdu þeim í farveg. Tilkynntu um mál sem varða börn til 112.

Barnaverndarnefndir sveitarfélaga sjá um að öll börn búi í viðunandi aðstæðum. Aðstoðin er oftast í formi ráðgjafar eða stuðnings. Það er lögð áhersla á samvinnu við foreldra eins og hægt er. Velferð barnsins er alltaf í forgangi.

Ef þú heldur að barn sé beitt ofbeldi eða búi við vanrækslu ættirðu að láta barnavernd vita. Allir undir 18 ára teljast börn og einnig ófædd börn. Dæmi um hluti sem ætti að tilkynna er vanræksla, vanhæfni eða slæm framkoma foreldra gagnvart barni og áreitni eða ofbeldi annarra gagnvart barni. Ekki treysta á að aðrir láti vita. Það er líka mikilvægt að tilkynna aftur ef ástandið helst óbreytt.

Þú getur tilkynnt til barnaverndarnefnda með því að hringja í 112 eða nota netspjall 112. Einnig er hægt er að hringja í þá barnaverndarnefnd þar sem barn býr. Ef barnið býr í Reykjavík er hægt að hringja í Barnavernd Reykjavíkur í síma 411 9200 alla virka daga frá klukkan 8:20-16:15 eða senda tilkynningu á vefsíðu þeirra. Barnaverndarnefndir stærri sveitafélaga eru líka með rafrænar tilkynningar og ábendingar á vefsíðum sínum.

Þú þarft að segja til nafns þegar þú tilkynnir en getur alltaf óskað eftir nafnleynd gagnvart öðrum.

Börn geta líka haft samband sjálf. Það er allt í lagi að tilkynna þótt maður sé ekki alveg viss. Mundu að börn eiga alltaf að njóta vafans. 

Markmið barnaverndarnefnda er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Hjá Barnaheill geturðu fengið ráðgjöf um flest allt varðandi málefni barna.

Barnaheill eru samtök sem vinna að réttindum og velferð barna með barnasáttmála Sameinuðu þjóðanna að leiðarljósi. Hjá þeim geturðu fengið ráðgjöf um hvernig bregðast megi sem best við ýmsum aðstæðum sem varða börn. Þú getur meðal annars leitað til þeirra með lögfræðileg álitaefni eða fengið ráðgjöf um viðbrögð vegna ofbeldis gegn börnum.

Á vefsíðu þeirra er hægt að tilkynna ólöglegt og óviðeigandi efni sem varðar börn eða er beint að börnum. Börn geta tilkynnt efni sem varðar þau sjálf eða aðra. Tilkynningar eru nafnlausar og eru sendar áfram til lögreglu. Dæmi um efni sem ætti að tilkynna er: nektarmyndir eða myndbönd, áreitni með myndum eða orðum, hvers konar ofbeldi, hótanir, einelti, boð um áfengi og vímuefni, mansal, vændi, hatursfullt tal eða önnur óæskileg hegðun.

Ef þig grunar að barn er beitt ofbeldi er þér skylt að tilkynna það til barnaverndar. Mundu að barn á alltaf að njóta vafans. Til að tilkynna getur þú annað hvort hringt í 112 eða notað netspjall 112. Til að fá ráðgjöf hjá Barnaheill, hringdu í síma 553 5900 eða sendu þeim tölvupóst á radgjof@barnaheill.is.

Íslenska, english, polskie og คนไทย.

Barnaheill býður upp á ráðgjöf um allt varðandi börn. Á vefsíðu þeirra er hægt að benda á óviðeigandi hegðun gagnvart börnum á netinu.

Að ala upp barn er eitt mikilvægasta og mest krefjandi verkefni sem foreldrar takast á við í lífinu. Uppeldisfærni er hins vegar hvorki meðfædd né kemur sjálfkrafa, heldur tekur tíma að tileinka sér nauðsynlega þekkingu, kunnáttu og hæfni.

Hafðu samband við þína þjónustumiðstöð til að fá stuðning fyrir fjölskylduna.

Hjá Þjónustumiðstöðvum Reykjavíkurborgar geta börn og fjölskyldur þeirra fengið fjölbreyttan stuðning. Til dæmis vegna félagslegra aðstæðna, álags, veikinda, fötlunar og ofbeldis. Börn eru höfð í samráði með stuðninginn, eftir því sem aldur og þroski leyfir. Stuðningurinn er bæði innan heimilis og utan. 

Til að fá stuðning geturðu pantað viðtal við ráðgjafa á þinni þjónustumiðstöð með síma eða tölvupósti. Upplýsingar um þjónustumiðstöðvar má finna á vef Reykjavíkurborgar. Ef þú ert ekki viss um hver þín þjónustumiðstöð er geturðu séð það á þessu korti. Þú getur líka hringt í þjónustuver Reykjavíkurborgar 411 1111 til að fá meiri upplýsingar. Þar er opið frá 8:20-16:15. 

Íslenska, English, polski. Tungumála- og táknmálstúlkun.

Þjónustumiðstöðvar Reykjavíkurborgar bjóða upp á félags- og fjölskylduráðgjöf fyrir börn og fjölskyldur. Þar er hægt að fá stuðning vegna ofbeldis.

Þjónustu&shy;miðstöðvar Reykjavíkur&shy;borgar

Þjónustumiðstöðvar Reykjavíkurborgar

Stuðningur fyrir fjölskyldur

Símanúmer

Tölvupóstur

Vefsíða

Aðgengi

Tungumál

Fleiri úrræði

Foreldrahús

Barnavernd

Barnaheill