Uppeldi hefst strax við fæðingu barns og felur í sér að annast barnið, vernda, kenna því og veita leiðsögn. Markmið góðs uppeldis er að barnið verði heilbrigt, vel aðlagað, hamingjusamt og hafi getu sem gagnast því í framtíðinni. Uppeldisfærni er hins vegar hvorki meðfædd né kemur sjálfkrafa, heldur tekur tíma að tileinka sér nauðsynlega þekkingu, kunnáttu og hæfni.

Heilsugæslan býður upp á námskeiðið Uppeldi sem virkar – færni til framtíðar sem er sérstaklega þróað fyrir foreldra á Íslandi. Það hentar foreldrum ungra barna til 6 ára. Á námskeiðinu er stuðst við viðurkennd fræði og vel rannsakaðar aðferðir.


Áhugi foreldra skiptir öllu máli um það hvernig börnunum okkar gengur. Það þarf ekki að vera flókið, bara að spyrja þau út í hvernig þeim gekk í dag og að sýna áhuga á tómstundum þeirra og áhugamálum skiptir miklu máli. 

Lilja Alfreðsdóttir

Margt er að varast í netsamskiptum og mikilvægt að kenna börnum og unglingum leiðir til að koma í veg fyrir stafræn brot og leiðir til að takast á við það ef það gerist.

Ein leið til að taka þátt í foreldrastarfi er að bjóða sig fram sem bekkjarfulltrúa. Önnur leið er að mæta og taka virkan þátt í þeim viðburðum sem fara fram í skólanum. Þannig verða samskipti foreldra meiri og betri. 

Sigríður Björk Einarsdóttir

Helga tekur þátt í foreldraröltinu þótt unglingurinn hennar sé heima. Þannig kynnist hún umhverfinu sem unglingarnir alast upp í, veit betur hvað gerist í hverfinu og kynnist öðrum foreldrum

Helga Davíðsdóttir

Gagnlegar upplýsingar fyrir foreldrarölt

Fróðir foreldrar veita uppalendum hagnýtar upplýsingar

Guðmundur tekur þátt í foreldrastarfi til að sýna áhuga og að sýna að honum standi ekki á sama. Fyrir honum er þetta líka jafnréttismál. Það er alltof langt algengt að feður gefi ekki kost á sér í foreldrastarf.

Guðmundur Magnús Daðason

Suðurlandsbraut 50, bláu húsin Skeifunni

Hringdu í Foreldrasímann fyrir ráðgjöf og stuðning allan sólarhringinn.

Foreldrahús er heildstætt úrræði sem veitir ráðgjöf vegna:

uppeldis- og sálfræðiráðgjöf vegna áhættuhegðunar og hegðunarvanda

listmeðferð fyrir börn, unglinga og foreldra þeirra. 

Foreldrahús sinnir líka ráðgjöf vegna fjölbreyttari vanda barna, unglinga og fjölskyldu í heild sinni. Má þar nefna:

námskeið fyrir foreldra sem vilja styrkja sig í uppeldishlutverkinu

Foreldrahús tekur á móti öllum sem leita til þeirra. Það skiptir miklu máli fyrir þroska og velferð barna og unglinga að bregðast við vanda sem fyrst.

Ráðgjafar tala íslensku, ensku, sænsku og dönsku. Þú getur fengið táknmálstúlkun og tungumálatúlkun í samstarfi við félagsþjónustu eða barnavernd ef þarf. Það er ekki aðgengi fyrir hjólastól á skrifstofunni.

Þú getur sent þeim tölvupóst á foreldrahus@foreldrahus.is til að fá ráðgjöf eða bóka tíma með ráðgjafa. Þú getur líka hringt alla virka daga frá 9 til 4 til að fá ráðgjöf í síma 511 6160. Foreldrasíminn 581 1799 er neyðarsími sem er opinn allan sólarhringinn. Þar veita vímuefna- og foreldraráðgjafar foreldrum ráðgjöf og stuðning. 

Stuðningur og valdefling foreldra á erfiðum tímum

Íslenska, English, dansk, svenska. Tungumála- og táknmálstúlkun á vegum tilvísunaraðila.

Foreldrahús veitir börnum, unglingum og foreldrum ráðgjöf, meðal annars vegna áfengis- og vímuefnaneyslu unglinga, áhættuhegðunar og hegðunarvanda. Foreldrasíminn 581 1799 er opinn allan sólarhringinn.

Vopnabúrið er sérúrræði fyrir fjölskyldur, börn og ungmenni sem glíma við fjölþættan vanda þar sem tekið er andlegu og líkamlegu heilbrigði skjólstæðinga. Þjónustan felur í sér ráðgjafa- og stuðningsviðtöl, meðferðarvinnu, líkamsrækt, tómstundir og félagslega virkni, talsmannsþjónustu, fræðslu og síðast en ekki síst endurgjöf til fagaðila.

Fræðslu og kynningar frá áhrifamiklum einstaklingum

Þú getur haft samband í síma 770 0727 eða sent tölvupóst á vopnaburid@vopnaburid.is. 

Vopnabúrið er líkamsræktar- og tómstundastöð sem býður upp á ráðgjöf og stuðning við börn og unglinga sem glíma við einhvers konar vandamál.

Góðgerðarsamtökin B.A.C.A. eru hópur bifhjólafólks sem styrkir börn í því að vera ekki hrædd í þeim heimi sem þau lifa, finna styrk og getu til að takast á við lífið eftir ofbeldi. Samtökin vilja senda skýr skilaboð til allra viðkomandi að þetta barn er hluti af þeirra samtökum og að þau séu reiðubúin að veita andlegan og líkamlegan stuðning með aðkomu sinni og nærveru.

Þegar þú sendir hjálparbeiðni fer barnatengiliður af stað og undirbýr aðkomu B.A.C.A. Ítarleg kynning á starfsháttum samtakanna á sér stað fyrir fjölskyldu, en barnið hefur svo alltaf að lokum að öllu leyti valið um aðkomu B.A.C.A.

Barnið fær að velja sér „roadname“ og „patcha“ sem fara á vesti barnsins, sem það fær afhent í inntökuathöfn. Barnið fær tvo tengiliði sem það getur haft samband við hvenær sem er sólahringsins og eru alltaf til staðar.  

Til að falla að skilyrðum B.A.C.A. þurfa mál að hafa verið tilkynnt til lögreglu eða barnaverndar. Unnið er með vitund og samþykki forsjáraðila barnsins og allra annarra sem koma að málinu, svo sem barnavernd, lögreglu, skóla og fagaðila. Þú getur haft samband í hjálparsíma B.A.C.A. 780 2131 sem er opinn allan sólarhringinn. Samtökin vinna mest á höfuðborgarsvæðinu en taka einnig að sér mál frá Borgarnesi til Hvolsvallar.

Bikers Against Child Abuse (BACA) eru samtök sem starfa í þeim tilgangi að veita börnum sem hafa orðið fyrir ofbeldi öruggara umhverfi. 

Það er gott að ræða við yngstu börnin hvaða hegðun sé í lagi og hvað ekki. Hér er efni um einelti og ofbeldi til að sýna börnum á aldrinum 4 til 9 ára.

Að ala upp barn er eitt mikilvægasta og mest krefjandi verkefni sem foreldrar takast á við í lífinu. Færni í uppeldi er hins vegar hvorki meðfædd né kemur sjálfkrafa heldur tekur tíma að tileinka sér nauðsynlega þekkingu.

Foreldrafræðsla

Markmið góðs uppeldis

Námskeið í uppeldi

Foreldrafræðsla af Heilsuveru

Áhugi foreldra

Netið

Öryggi í netsamskiptum barna

Að tala við börn um kynlíf og klám

Samstarf foreldra, kennara og nemenda

Foreldraröltið

Viltu vita meira?

Feður í foreldrastarfi

Aðstoð í boði

Foreldrahús

Vopnabúrið

Bikers Against Child Abuse (BACA)

Fræðsla fyrir yngstu börnin