Þú getur alltaf hringt í 1717. Fullur trúnaður og nafnleynd ríkir.

Þú getur hringt í símanúmerið 1717 eða talað gegnum netspjallið ef þú vilt tala við einhvern. Hægt er að hafa samband vegna alls þess sem þér liggur á hjarta. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis. Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt. Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins sem er til staðar allan sólarhringinn ef þú vilt tala við einhvern. Ekkert vandamál er of lítið eða of stórt.

Bergið veitir stuðning og ráðgjöf fyrir ungt fólk. Hafðu samband. Við hlustum.

Bergið headspace styður og þjónustar ungmenni undir 25 ára. Þar er boðið upp á ráðgjöf og fræðslu sem er aðlöguð að hverjum og einum. Ekkert vandamál er of lítið eða of stórt.

Þangað er hægt að komast í hjólastól.  Ráðgjafar tala íslensku og ensku. Þú getur fengið táknmálstúlkun og tungumálatúlkun ef þú þarft.

Þú getur komið í Bergið, hringt í Bergið og eða spjallað við Bergið á netspjalli á vefsíðunni þeirra. Netspjallið er opið virka daga klukkan 9-17. Utan opnunartíma getur þú sett inn skilaboð og þér er svarað eins fljótt og hægt er.

Fyrir ungt fólk á forsendum ungs fólks

Íslenska og enska. Tungumála- og táknmálstúlkun.

Bergið er stuðnings- og ráðgjafasetur fyrir ungt fólk upp að 25 ára aldri. Ekkert vandamál er of lítið eða of stórt.

Suðurlandsbraut 50, bláu húsin Skeifunni

Hringdu í Foreldrasímann fyrir ráðgjöf og stuðning allan sólarhringinn.

Foreldrahús er heildstætt úrræði sem veitir ráðgjöf vegna áfengis- og vímuefnaneyslu unglinga, uppeldis- og sálfræðiráðgjöf vegna áhættuhegðunar og hegðunarvanda, fjölskylduráðgjöf sem og listmeðferð fyrir börn, unglinga og foreldra þeirra. Foreldrahús sinnir líka ráðgjöf vegna fjölbreyttari vanda barna, unglinga og fjölskyldu í heild sinni. Má þar nefna einelti, félagslega erfiðleika, vanlíðan, kvíða og námskeið fyrir foreldra sem vilja styrkja sig í uppeldishlutverkinu.

Foreldrahús tekur á móti öllum sem leita til þeirra. Það skiptir miklu máli fyrir þroska og velferð barna og unglinga að bregðast við vanda sem fyrst.

Ráðgjafar tala íslensku, ensku, sænsku og dönsku. Þú getur fengið táknmálstúlkun og tungumálatúlkun í samstarfi við félagsþjónustu eða barnavernd ef þarf. Það er ekki aðgengi fyrir hjólastól á skrifstofunni.

Þú getur sent þeim tölvupóst á foreldrahus@foreldrahus.is til að fá ráðgjöf eða bóka tíma með ráðgjafa. Þú getur líka hringt alla virka daga 9-16 til að fá ráðgjöf í síma 511 6160. Foreldrasíminn 581 1799 er neyðarsími sem er opinn allan sólarhringinn. Þar veita vímuefna- og foreldraráðgjafar foreldrum ráðgjöf og stuðning. 

Stuðningur og valdefling foreldra á erfiðum tímum

Íslenska, English, dansk, svenska. Tungumála- og táknmálstúlkun á vegum tilvísunaraðila.

Foreldrahús veitir börnum, unglingum og foreldrum ráðgjöf, meðal annars vegna áfengis- og vímuefnaneyslu unglinga, áhættuhegðunar og hegðunarvanda. Foreldrasíminn 581 1799 er opinn allan sólarhringinn.

Áhættuhegðun barns er þegar barn hegðar sér á einhvern hátt sem skaðar eða er líklegt til að skaða heilsu þess og þroska. Til dæmis vímuefnaneysla, sjálfskaði, ofbeldi gagnvart öðrum og afbrot.

Vopnabúrið er sérúrræði fyrir fjölskyldur, börn og ungmenni sem glíma við fjölþættan vanda þar sem tekið er m.a. á þáttum andlegs jafnt sem líkamlegs heilbrigðis skjólstæðinga. Þjónustan felur í sér ráðgjafa- og stuðningsviðtöl, meðferðarvinnu, líkamsrækt, tómstundir og félagslega virkni, talsmannsþjónustu, fræðslu og síðast en ekki síst endurgjöf til fagaðila.

Fræðslu og kynningar frá áhrifamiklum einstaklingum

Vopnabúrið er líkamsræktar- og tómstundastöð sem býður upp á ráðgjöf og stuðning við börn og unglinga sem glíma við einhvers konar vandamál.

Vopnabúrið

Hjálp til sjálfshjálpar

Símanúmer

Tölvupóstur

Vefsíða

Tungumál

Fleiri úrræði

1717

Bergið headspace

Foreldrahús