Lögreglan á Suðurlandi er með lögreglustöðvar á Selfossi, Vík og Höfn og lögregluvarðstöðvar á Vík og Kirkjubæjarklaustri. Rannsóknarlögreglumenn hafa aðsetur á Selfossi og Höfn en hægt er að taka skýrslu á öllum þessum stöðum. Hér er lögreglustöðin á Selfossi tekin sem dæmi. 

Aftur í leiðarvísi um réttarvörslukerfið fyrir þolendur kynferðisofbeldis

Sigurhæðir hjálpa konum á Suðurlandi sem hafa orðið fyrir ofbeldi. 

Sigurhæðir bjóða samhæfða ráðgjöf, stuðning og meðferð á þínum forsendum. Öll þjónusta er ókeypis.

Í boði er einstaklings- og hópmeðferð ásamt sérhæfðri áfallameðferð. Lögregla er til staðar innan Sigurhæða til að veita ráðgjöf og upplýsingar. Sömuleiðis er lögfræðileg ráðgjöf og fræðsla til innflytjendakvenna í boði.

Konur búsettar á Suðurlandi og aðstandendur þeirra geta komið, hringt og pantað viðtöl til að fá stuðning, ráðgjöf og upplýsingar óháð kyni, uppruna eða félagslegri stöðu. Þú getur fengið táknmálstúlkun og tungumálatúlkun ef þú þarft.

Sigurhæðir eru í Þórsmörk 7 á Selfossi. Komið er að Þórsmörkinni frá Árveginum á móti Heilbrigðisstofnun Suðurlands. Þar er opið á þriðjudögum frá 10 til 17, fimmtudögum frá 13 til 19 og föstudögum frá 10 til 17. Hægt er að bóka viðtal gegnum vefsíðuna þeirra eða hringja í síma 834 5566. Alltaf er svarað í síma, óháð opnunartíma. Þú getur líka sent tölvupóst á sigur@sigurhaedir.is.

Sigurhæðir eru þjónusta á Suðurlandi við konur sem hafa orðið fyrir ofbeldi. Þar færðu samhæfða ráðgjöf, stuðning og meðferð á þínum forsendum. 

Neyðarmóttakan er opin öllum, allan sólarhringinn.

Neyðarmóttaka vegna kynferðisofbeldis er á bráðamóttökunni á Landspítalanum í Fossvogi. Þar er alltaf opið og það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir. 

Á neyðarmóttökunni vinna hjúkrunarfræðingar, sálfræðingar og læknar sem geta hjálpað andlega og líkamlega. 

Það eru allir hvattir til að leita til neyðarmóttökunnar, hvort sem brotið verður kært eða ekki. 

Ef þú ákveður að kæra er hægt að nýta sakargögn sem safnað er í skoðuninni. Til að auka líkurnar á að finna slík gögn er mikilvægt að koma eins fljótt og hægt er. Ekki þvo þér eða fötin þín áður. Á neyðarmóttöku er hægt að fá aðstoð lögfræðings sem kallaður er réttargæslumaður. 

Sími bráðamóttökunnar er 543 2000 og það er opið allan sólarhringinn. Hægt er að ná sambandi beint við Neyðarmóttökuna á dagvinnutíma í síma 543 2094. Það er líka hægt að senda þeim tölvupóst á neydarmottaka@landspitali.is eða hafa samband gegnum netspjall á vefsíðu spítalans. 

Stuðningur og ráðgjöf vegna kynferðisofbeldis 

Neyðarmóttakan tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

543 2000 (allan sólarhringinn), beint 543 2094 (á dagvinnutíma)

Hjúkrunarfræðingar Heilsuveru veita þér ráðgjöf varðandi heilsu og heilbrigðisþjónustu.

Þú getur alltaf talað við hjúkrunarfræðing á netinu gegnum netspjall Heilsuveru eða í síma 1700, óháð kyni, uppruna eða félagslegri stöðu. 

Heilsugæslan þín hjálpar þér að finna aðstoð vegna ofbeldis eða annarra vandamála. Þar starfa læknar, hjúkrunafræðingar og sálfræðingar sem geta hjálpað þér. Á dagvinnutíma geturðu fengið að tala við hjúkrunarfræðing, sálfræðing eða ljósmóður sem aðstoðar þig og vísar þér á viðeigandi aðstoð eftir þörfum. Þú getur annað hvort hringt eða farið á þína heilsugæslustöð. 

Á Heilsuveru er hægt að sjá hver þín heilsugæslustöð er, bóka tíma hjá lækni og hægt að nálgast upplýsingar um allt varðandi heilsu, þar á meðal um ofbeldi. Hér má sjá kort með upplýsingum um allar heilbrigðisstofnanir á landinu til að finna þá sem er næst þér. Á heilsugæslustöðvum og sjúkrahúsum á landsbyggðinni er læknir alltaf á vakt.

Margar heilsugæslustöðvar eru með sérstaka móttöku fyrir ungt fólk á aldrinum 13 til 20 ára. Þangað geta ungmenni leitað til að ræða um heilsu sína og líðan.

Heilsugæsla og heilbrigðisstofnanir út um allt land hafa sérstaka neyðarmóttöku fyrir þolendur kynferðisofbeldis fyrir þau sem ekki komast á neyðarmóttökur fyrir þolendur kynferðisofbeldis í Reykjavík og Akureyri. Hægt er að fá aðstoð allan sólarhringinn.

Heilsugæslan, aðstoð, læknir, ljósmóðir, hjúkrunarfræðingur, ráðgjöf, veikindi, slys, hjálp, neyð, sár, sjúkdómar

Á heilsugæslunni starfa læknar, hjúkrunarfræðingar, ljósmæður og sálfræðingar sem geta hjálpað þér.

Þegar kæra er lögð fram í kynferðisbrotamálum kallar lögreglan þolanda til skýrslutöku. Hér fjallað um skýrslutöku hjá Lögreglunni á Suðurlandi. 

Skýrslutaka á Suðurlandi

Sigurhæðir á Selfossi

Neyðarmóttaka vegna kynferðisofbeldis

Heilsugæslan