Soroptímistaklúbbur Suðurlands stofnaði Sigurhæðir, úrræði með faglegri þjónustu við sunnlenskar konur frá 18 ára aldri sem orðið hafa fyrir ofbeldi.

SIGURHÆÐIR - kynningarmyndband

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað óháð kyni, uppruna eða félagslegri stöðu. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er á Bústaðarvegi í Reykjavík. Þar er opið á virkum dögum frá 8:30 til 16:30. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst.

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Láttu vita fyrirfram ef þú ert í hjólastól.

Kvennaathvarfið hjálpar öllum konum sem hafa orðið fyrir ofbeldi í nánu sambandi, bæði með húsaskjól og ráðgjöf.

Kvennaathvarf er hús þar sem konur  og börnin þeirra geta búið í stuttan tíma ef þær geta ekki búið heima hjá sér út af ofbeldi. Ef þú hefur orðið fyrir ofbeldi getur þú talað við ráðgjafa í Kvennaathvarfinu. Þú þarft ekki að dvelja í húsinu. Það skiptir ekki máli þótt ofbeldið hafi átt sér stað fyrir löngu síðan. Það kostar ekkert að tala við ráðgjafa.

Ráðgjafar tala íslensku og ensku. Það er líka hægt að bóka viðtöl á frönsku og spænsku. Þú getur fengið táknmálstúlkun og tungumálatúlkun ef þú þarft. Kvennaathvarfið er bæði í Reykjavík og á Akureyri, en athvörfin eru opin fyrir konur af öllu landinu.

Þú getur hringt allan sólarhringinn í Kvennaathvarfið í síma 561 1205 til að fá stuðning strax eða pantað þér tíma í ráðgjöf í gegnum vefsíðuna þeirra. Þú getur líka sent þeim tölvupóst á kvennaathvarf@kvennaathvarf.is. Allar konur eru velkomnar: íslenskar, erlendar, fatlaðar, hinsegin, transkonur og á hvaða aldri sem er (yfir 18 ára).

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi

Gott aðgengi fyrir hjólastóla. Ráðgjafi sem þekkir vel réttindi fatlaðs fólks.

Stígamót hjálpa fólki sem hafa orðið fyrir kynferðisofbeldi. Ekki skiptir máli hversu langt er síðan.

Stígamót bjóða upp á viðtöl og sjálfshjálparhópa fyrir fólk sem hefur verið beitt kynferðisofbeldi. Það skiptir ekki máli þótt ofbeldið hafi átt sér stað fyrir löngu síðan, það er alltaf hægt að koma til Stígamóta og það kostar ekkert. Einnig er í boði ráðgjöf fyrir aðstandendur.

Stígamót bjóða öll velkomin óháð kyni, kyntjáningu, kynhneigð, fötlun, uppruna,  efnahagsstöðu og dvalarleyfi svo eitthvað sé nefnt. Í húsinu er lyfta þannig að hægt er að komast í hjólastól. Þú getur fengið táknmálstúlkun ef þú þarft. Þú getur talað við ráðgjafa á íslensku, ensku eða á Norðurlandatungumáli. Fyrir önnur tungumál geturðu  fengið túlk. Þú getur valið um karlkyns eða kvenkyns ráðgjafa.

Stígamót taka ekki á móti börnum og unglingum undir 18 ára þar sem barnavernd sveitarfélaganna sér um þá aðstoð. Ef þig grunar eða veist um kynferðislegt ofbeldi gegn barni eða unglingi ættirðu að tilkynna það til 112. Öllum er þó velkomið að hafa samband við Stígamót til að fá nánari upplýsingar og leiðbeiningar.

Stígamót eru til húsa í Höfðabakka 9. Þú getur pantað tíma hjá ráðgjafa í síma 562 6868 eða á vefsíðunni þeirra. Þar er opið alla virka daga frá 9 til 16 nema á fimmtudögum frá 11 til 16. Oftast er best að ná inn snemma á morgnana eða í hádeginu. Það er líka hægt að senda þeim tölvupóst á stigamot@stigamot.is.

Íslenska, English, dansk, norsk, svenska. Tungumála- og táknmálstúlkun.

Stígamót, móttaka fyrir kynferðisofbeldi, kynferðisofbeldi, kynferðisleg áreitni, kynbundið ofbeldi, líkamlegt ofbeldi, árás, nauðgun, byrlun, minnisleysi, minnislaus, viðtal, sérfræðingur, hjálp, aðstoð, sjálfshjálparhópur, hjálp, 

Stígamót hjálpa öllum (konum, körlum og kynsegin fólki) sem hafa orðið fyrir kynferðislegu ofbeldi.

Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.

Sigurhæðir hjálpa konum á Suðurlandi sem hafa orðið fyrir ofbeldi. 

Sigurhæðir bjóða samhæfða ráðgjöf, stuðning og meðferð á þínum forsendum. Öll þjónusta er ókeypis.

Í boði er einstaklings- og hópmeðferð ásamt sérhæfðri áfallameðferð. Lögregla er til staðar innan Sigurhæða til að veita ráðgjöf og upplýsingar. Sömuleiðis er lögfræðileg ráðgjöf og fræðsla til innflytjendakvenna í boði.

Konur búsettar á Suðurlandi og aðstandendur þeirra geta komið, hringt og pantað viðtöl til að fá stuðning, ráðgjöf og upplýsingar óháð kyni, uppruna eða félagslegri stöðu. Þú getur fengið táknmálstúlkun og tungumálatúlkun ef þú þarft.

Sigurhæðir eru í Þórsmörk 7 á Selfossi. Komið er að Þórsmörkinni frá Árveginum á móti Heilbrigðisstofnun Suðurlands. Þar er opið á þriðjudögum frá 10 til 17, fimmtudögum frá 13 til 19 og föstudögum frá 10 til 17. Hægt er að bóka viðtal gegnum vefsíðuna þeirra eða hringja í síma 834 5566. Alltaf er svarað í síma, óháð opnunartíma. Þú getur líka sent tölvupóst á sigur@sigurhaedir.is.

Sigurhæðir eru þjónusta á Suðurlandi við konur sem hafa orðið fyrir ofbeldi. Þar færðu samhæfða ráðgjöf, stuðning og meðferð á þínum forsendum. 

Sigurhæðir á Selfossi

Hefur þú orðið fyrir ofbeldi?

Símanúmer

Heimilisfang

Tölvupóstur

Vefsíða

Aðgengi

Tungumál

Alhliða þjónusta á einum stað

Aðstoð í boði

Bjarkarhlíð

Kvennaathvarfið

Stígamót

Líkamlegt ofbeldi