Beint í efni

Líkamlegt ofbeldi

Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.

Efnisyfirlit

Líkamlegt ofbeldi er mjög alvarlegt

Þegar einhver meiðir þig, eða hótar að meiða þig, kallast það líkamlegt ofbeldi.

  • Það skiptir ekki máli hvort það verði líkamlegur skaði.
  • Það kallast líka líkamlegt ofbeldi að neita að gefa einhverjum eitthvað sem hann þarf fyrir líkamann, eins og lyf.
  • Það er aldrei í lagi að beita líkamlegu ofbeldi.
  • Oft hefur andlegu ofbeldi verið beitt í einhvern tíma áður en líkamlega ofbeldið byrjar.
  • Að þurfa að vera vitni að ofbeldi er líka ofbeldi. Börn sem verða vitni að ofbeldi á heimilinu líður svipað illa og ef þau eru sjálf beitt ofbeldi.

Afleiðingar

  • Afleiðingar geta verið misjafnlega alvarlegar.
  • Áhrifin verða meiri á líkamlega og andlega heilsu eftir því hversu alvarlegt það er.
  • Eftir því sem ofbeldið stendur lengur yfir því meiri áhrif hefur það á heilsuna.
  • Áhrif ofbeldis vara í langan tíma eftir að það hættir.
  • Alvarlegasta afleiðing líkamlegs ofbeldis í nánu sambandi er þegar annar aðilinn myrðir maka sinn.

Ofbeldishringurinn

Ofbeldi í nánu sambandi fylgir oft mynstri sem er kallað ofbeldishringurinn.

  1. Spenna safnast upp.
  2. Á einhverjum tímapunkti losnar um spennuna í formi líkamlegrar eða andlegrar árásar.
  3. „Hveitibrauðsdagarnir” þar sem gerandinn er fullur eftirsjár.

Síðan heldur þessi vítahringur sífellt áfram.

Netspjall 1-1-2

Netspjall Neyðarlínunnar jafngildir símtali. Þú hefur óskipta athygli neyðarvarðar, sem er tilbúinn að aðstoða þig allan sólarhringinn, allt árið um kring.

Hefja spjall við neyðarvörð

Það er líkamlegt ofbeldi þegar viðkomandi hefur:

  • Hótað að skaða þig eða aðra á heimilinu.
  • Hótað að skaða sjálfan sig.
  • Ógnað þér með svipbrigðum eða hnefa.
  • Ógnað þér með hnífi eða einhverjum hlut sem hægt er að nota sem vopn.
  • Sagst vilja drepa þig eða sýnt það með hegðun (eins og með hálstaki).
  • Gripið í þig til að hindra að þú farir.
  • Viljandi eyðilagt hluti sem þú átt.
  • Meitt þig á einhvern hátt.
  • Þrýst á þig að taka inn lyf.
  • Bannað þér að taka nauðsynleg lyf.

Fáðu hjálp

Það er alltaf betra að segja einhverjum frá hvernig þér líður.

  • Ef ofbeldið er nýlega yfirstaðið getur þú farið á bráðamóttöku sjúkrahúsa, þar starfar sérstakt teymi sem sérhæfir sig í ráðgjöf og stuðningi vegna ofbeldis í nánu sambandi.
  • Þú getur haft samband við miðstöðvar fyrir þolendur ofbeldis sem sérhæfa sig í stuðningi við ofbeldi (18 ára og eldri). Ráðgjöfin er ókeypis og engu máli skiptir hversu langt er síðan ofbeldið átti sér stað.
  • Börn og fullorðnir geta alltaf talað við einhvern hjá 1717 (hjálparsíma Rauða krossins) eða haft samband við 112 gegnum síma eða netspjall.

Ef þú býrð við ofbeldi er gott að gera öryggisáætlun til að vernda öryggi þitt og barna.

Leiðarvísir um réttarkerfið fyrir þolendur heimilisofbeldis

Heimilisofbeldi er ofbeldi sem er beitt af einhverjum sem er skyldur eða tengdur þér, til dæmis af maka, fyrrverandi maka, fullorðnu barni, foreldri, systkini eða forsjáraðila.

Skoða leiðarvísir

Fræðsla um heimilisofbeldi

Reynslusaga Birnu

Þegar konur verða óléttar er algengt að ofbeldi í sambandi hefjist eða aukist. Hér segir Birna frá sinni sögu. Hún bjó með ofbeldisfullum maka í mörg ár. Hún komst út úr sambandinu og byrjaði nýtt líf með börnunum sínum.

9 ástæður fyrir að fólk hættir ekki í ofbeldissambandi

Það er ekki endilega auðvelt að „fara bara“ úr ofbeldissambandi. Það er margt sem hefur áhrif á að fólk heldur áfram í sambandinu.

Sjá 9 ástæður

Reynslusaga Sonju

Sonja segir frá sambandi sínu með manni sem beitti hana ofbeldi. Það byrjaði sem andlegt ofbeldi en varð síðan að líkamlegu ofbeldi. Enginn í kringum hana vissi af því. Sonja fór úr sambandinu eftir 18 ár. Í dag er hún ekki lengur hrædd.

Hefur þú sýnt ofbeldishegðun?

Fáðu hjálp

Þekkir þú birtingarmyndir ofbeldis?

Skoða fleiri dæmi
Kona hugsi.

Áslaug

Áslaug er í stormasömu sambandi og er sífellt að segja manninum sínum hvað henni finnst ekki í lagi í samskiptum þeirra en hann fer sífellt yfir mörkin hennar. Eftir að hún varð ólétt hefur ástandið bara versnað. Hún er farin að forðast að tala um vissa hluti því þá verður hann bara reiður.

Áslaug veit vel að hún er enginn engill sjálf og hún gerir oft eitthvað sem hún veit að gerir hann reiðan. Áslaug hefur öskrað og ýtt við honum til baka til að komast úr ofbeldisaðstæðum. Hann hefur aldrei lamið hana en heldur henni stundum fastri og kastar hlutum.

Er þetta ofbeldi?

Aðstoð í boði

Sjá alla aðstoð
Viðtalsherbergi í Bjarkarhlíð.

Bjarkarhlíð

Bjarkarhlíð í Reykjavík veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Lesa meira
Útsýni af tjörninni í Reykjavík.

Kvennaathvarfið

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi

Lesa meira
Blóm.

Heimilisfriður

Heimilisfriður býður upp á meðferð fyrir öll sem beita ofbeldi í nánum samböndum.

Lesa meira

1717

1717 er hjálparsími og netspjall Rauða krossins ef þú vilt tala við einhvern. Það er opið allan sólarhringinn. Ekkert vandamál er of lítið eða of stórt.

Lesa meira

Öryggisáætlun

Að útbúa öryggisáætlun er leið til að vernda öryggi þitt og barnanna þinna, hvort sem það er innan sambandsins eða ef þú ákveður að fara.

Lesa meira
Kona dregur frá gluggatjöldum

Kynferðislegt ofbeldi

Kynferðislegt ofbeldi er það þegar einhver káfar á þér eða þvingar þig til að gera eitthvað kynferðislegt sem þú vilt ekki gera. Kynferðisleg áreitni er líka ofbeldi.

Lesa meira

Tegundir ofbeldis