Ef þú átt í vandræðum með að ná sambandi við 112, smelltu þá á netspjall eða hringdu í 599-0112. Aðrar leiðir til að ná sambandi
Á heilsugæslunni starfa læknar, hjúkrunarfræðingar, ljósmæður og sálfræðingar sem geta hjálpað þér.
Þú getur talað við hjúkrunarfræðing á netinu gegnum netspjall Heilsuveru alla daga á milli 8 til 15:30 eða allan sólahringinn í síma 1700, óháð kyni, uppruna eða félagslegri stöðu.
Heilsugæslan þín hjálpar þér að finna aðstoð vegna ofbeldis eða annarra vandamála. Þar starfa læknar, hjúkrunarfræðingar og sálfræðingar sem geta hjálpað þér. Á dagvinnutíma geturðu fengið að tala við hjúkrunarfræðing eða ljósmóður sem aðstoðar þig og vísar þér á viðeigandi aðstoð eftir þörfum. Það er líka hægt að panta tíma hjá sálfræðingi. Þú getur annað hvort hringt eða farið á þína heilsugæslustöð.
Á Heilsuveru er hægt að sjá hver þín heilsugæslustöð er, bóka tíma hjá lækni og hægt að nálgast upplýsingar um allt varðandi heilsu, þar á meðal um ofbeldi. Hér má sjá kort með upplýsingum um allar heilbrigðisstofnanir á landinu til að finna þá sem er næst þér. Á heilsugæslustöðvum og sjúkrahúsum á landsbyggðinni er læknir alltaf á vakt.
Hjúkrunarfræðingar Heilsuveru veita þér ráðgjöf varðandi heilsu og heilbrigðisþjónustu.
Margar heilsugæslustöðvar eru með sérstaka móttöku fyrir ungt fólk á aldrinum 13 til 20 ára. Þangað geta ungmenni leitað til að ræða um heilsu sína og líðan.
Heilsugæsla og heilbrigðisstofnanir út um allt land hafa sérstaka neyðarmóttöku fyrir þolendur kynferðisofbeldis fyrir þau sem ekki komast á neyðarmóttökur fyrir þolendur kynferðisofbeldis í Reykjavík og Akureyri. Hægt er að fá aðstoð allan sólarhringinn.
Andlegt ofbeldi er þegar einhver hótar þér, gerir lítið úr þér eða lætur þér líða illa. Það getur verið bæði með orðum og hegðun.
Þegar einhver meiðir þig, eða hótar að meiða þig, kallast það líkamlegt ofbeldi.
