Ef nýlega hefur verið brotið á þér er sérstök neyðarmóttaka fyrir þolendur kynferðisofbeldis rétti staðurinn að leita til.
Þessi síða er hluti af Leiðarvísi fyrir þolendur kynferðisbrota sem eru eldri en 18 ára.
Heimsókn á neyðarmóttökur fyrir þolendur kynferðisbrota er oft fyrsta skrefið í áttina að bata. Neyðarmóttökur fyrir þolendur kynferðisofbeldis eru í Reykjavík (Landspítalinn í Fossvogi) og á Akureyri (Sjúkrahúsið). Það er líka hægt að leita til heilsugæslunnar í þinni heimabyggð utan Reykjavíkur og Akureyrar.
Reyndu að koma sem fyrst. Það er best fyrir heilsu þína.
Best ef þú ferð ekki í bað áður en þú kemur á neyðarmóttöku eða heilsugæslu. Komdu með eða vertu í fötunum sem þú varst í.
Starfsfólkið metur með þér hvaða þjónustu þú þarft og hvaða þjónustu þú vilt. Hægt er að fá:
Þín heilsa skiptir mestu máli og afleiðingar af áföllum geta verið margs konar. Gott er að leita sér hjálpar sem fyrst til að skilja hvernig áhrifin gætu verið að birtast hjá þér en það er aldrei of seint.
Á neyðarmóttökunni getur þú fengið tilvísun til áfallateymis. Þú getur líka fengið tilvísun í gegnum heilsugæsluna.
Einnig eru þolendamiðstöðvar til staðar fyrir þig til að vinna úr áfallinu. Þær eru opnar einstaklingum eldri en 18 ára og aðstoða þolendur kynferðisbrota á margan hátt.
Starfsfólk neyðarmóttökunnar getur aðstoðað þig og kallað til lögreglu ef þú vilt að brotið sé kært. Réttargæslumaður kemur þá einnig á staðinn til að aðstoða þig.
Fyrstu 72 klukkustundirnar eftir að brotið er framið eru mjög mikilvægar. Þetta er sá tími sem nýtist best fyrir lögregluna að ná í gögn sem styðja rannsóknina á brotinu. Gögnin eru svo notuð ef þú ákveður að kæra brotið. Til dæmis má nota þau fyrir dómi til að styðja málið þitt.
Gögnin eru til dæmis:
Heimsókn þín á neyðarmóttöku eða heilsugæslu er trúnaðarmál. Það á við um alla meðferðina.
Læknisskoðunin sjálf tekur oftast stuttan tíma. Heimsóknin í heild sinni getur tekið 2-4 tíma en það fer eftir umfanginu.
