Láta þarf vita fyrirfram ef þú ert í hjólastól.

Bjarmahlíð á Akureyri hjálpar öllu fólki sem hefur orðið fyrir ofbeldi.

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarmahlíð óháð kyni, uppruna eða félagslegri stöðu. Þar getur þú líka talað við lögreglu og lögfræðinga í þægilegu umhverfi. Öll eru velkomin og það kostar ekkert að koma. Öll aðstoð er á þínum forsendum.

Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól þannig að ef þú notar hjólastól þarftu að taka það fram þegar þú bókar tíma. Ráðgjafinn getur þá hitt þig hjá Félagsþjónustu Akureyrarbæjar í Glerárgötu. 

Bjarmahlíð er í Aðalstræti 14 á Akureyri. Þar er opið á virkum dögum frá 10 til 14. Best er að bóka tíma gegnum vefsíðuna þeirra eða hringja í síma 551 2520. Þú getur líka sent þeim tölvupóst á bjarmahlid@bjarmahlid.is.

Íslenska, English. Tungumála- og táknmálstúlkun.

Bjarmahlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Láttu vita fyrirfram ef þú ert í hjólastól.

Kvennaathvarfið á Akureyri hjálpar öllum konum sem hafa orðið fyrir ofbeldi í nánu sambandi, bæði með húsaskjól og ráðgjöf.

Kvennaathvarfið er hús þar sem konur og börnin þeirra geta búið í stuttan tíma ef þær geta ekki búið heima hjá sér út af ofbeldi. Ef þú hefur orðið fyrir ofbeldi getur þú talað við ráðgjafa í Kvennaathvarfinu. Þú þarft ekki að dvelja í húsinu. Það skiptir ekki máli þótt hafi átt sér stað fyrir löngu síðan. Það kostar ekkert að tala við ráðgjafa eða dvelja í húsinu.

Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól í athvarfinu. Þá geturðu farið í viðtal hjá ráðgjafa í Bjarmahlíð og ef þér vantar húsnæði geturðu fengið að gista á hóteli.

Þú getur hringt allan sólarhringinn í Kvennaathvarfið í síma 561 1205 til að fá stuðning. Þú getur líka sent þeim tölvupóst á kvennaathvarf@kvennaathvarf.is. Allar konur eru velkomnar: íslenskar, erlendar, fatlaðar, hinsegin, trans, á hvaða aldri sem er eldri en 18 ára.

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi.

Þú getur alltaf hringt í 1717. Það er fullur trúnaður og nafnleynd.

Þú getur hringt í símanúmerið 1717 eða talað gegnum netspjall Rauða Krossins ef þú vilt tala við einhvern. Þjálfað og reynslumikið fólk á öllum aldri sjá um að svara. Þú getur talað um hvað sem þú vilt. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis.

Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt.

Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins ef þú vilt tala við einhvern. Það er opið allan sólarhringinn. Ekkert vandamál er of lítið eða of stórt.

Þegar einhver notar andlega vinnu eða trúarbrögð til að hræða þig, særa þig eða stjórna þér kallast það trúarofbeldi.

Aflið hjálpar öllum sem hafa orðið fyrir kynferðisofbeldi eða ofbeldi í nánu sambandi.

Aflið eru samtök sem hjálpa fólki sem hefur orðið fyrir ofbeldi í nánum samböndum, kynferðisofbeldi eða hvers konar öðru ofbeldi. Þú getur fengið bæði einstaklingsráðgjöf og tekið þátt í hópastarfi. Aðstandendur eru velkomnir. Það kostar ekkert að tala við ráðgjafa.

Í einstaklingsviðtölum er veittur stuðningur við að koma ofbeldisreynslunni í orð og skoða afleiðingarnar sem ofbeldið hefur haft. Þetta getur reynst mörgum erfitt skref og er fullur skilningur á því innan Aflsins. Ráðgjafar mæta fólki á jafningagrundvelli. Þú stjórnar því hversu hratt og djúpt er unnið í viðtölunum.

Það er ekki lyfta í húsinu þannig að ef þú notar hjólastól kemst þú kannski ekki inn. Þá getur þú hringt í ráðgjafa og hitt hann á stað sem þú getur komist á í hjólastólnum. Þú getur talað íslensku eða ensku við ráðgjafa. Aflið borgar ekki fyrir táknmálstúlkun.

Aflið er í Aðalstræti 14 á Akureyri. Þú getur bókað tíma með því að hringja í síma 461 5959 frá 8 til 12 á virkum dögum eða senda tölvupóst á aflidakureyri@gmail.com.

Aflið býður upp á stuðning og sjálfshjálparstarf

 Íslenska, English. Ekki boðið upp á táknmálstúlkun.

Aflið hjálpar fólki sem hefur orðið fyrir hvers konar ofbeldi.

Aflið á Akureyri

Aflið býður upp á stuðning og sjálfshjálparstarf

Símanúmer

Heimilisfang

Tölvupóstur

Vefsíða

Aðgengi

Tungumál

Aðstoð í boði

Bjarmahlíð á Akureyri

Kvennaathvarfið á Akureyri

1717

Trúarofbeldi