Láttu vita fyrirfram ef þú ert í hjólastól.

Kvennaathvarfið á Akureyri hjálpar öllum konum sem hafa orðið fyrir ofbeldi í nánu sambandi, bæði með húsaskjól og ráðgjöf.

Kvennaathvarfið er hús þar sem konur og börnin þeirra geta búið í stuttan tíma ef þær geta ekki búið heima hjá sér út af ofbeldi. Ef þú hefur orðið fyrir ofbeldi getur þú talað við ráðgjafa í Kvennaathvarfinu. Þú þarft ekki að dvelja í húsinu. Það skiptir ekki máli þótt hafi átt sér stað fyrir löngu síðan. Það kostar ekkert að tala við ráðgjafa eða dvelja í húsinu.

Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól í athvarfinu. Þá geturðu farið í viðtal hjá ráðgjafa í Bjarmahlíð og ef þér vantar húsnæði geturðu fengið að gista á hóteli.

Þú getur hringt allan sólarhringinn í Kvennaathvarfið í síma 561 1205 til að fá stuðning. Þú getur líka sent þeim tölvupóst á kvennaathvarf@kvennaathvarf.is. Allar konur eru velkomnar: íslenskar, erlendar, fatlaðar, hinsegin, trans, á hvaða aldri sem er eldri en 18 ára.

Íslenska, English. Tungumála- og táknmálstúlkun.

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi.

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað óháð kyni, uppruna eða félagslegri stöðu. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er á Bústaðarvegi í Reykjavík. Þar er opið á virkum dögum frá 8:30 til 16:30. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst.

Miðstöð fyrir þolendur ofbeldis og mansals

Bjarkarhlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

WOMEN hjálpa erlendum konum á Íslandi sem verða fyrir ofbeldi.

Hjá WOMEN geta erlendar konur fengið ráðgjöf um réttindi sín og úrræði á Íslandi. WOMEN hjálpa sérstaklega konum sem verða fyrir ofbeldi. Ráðgjöfin kostar ekki neitt. Annað hvert þriðjudagskvöld frá 8 til 10 er jafningafræðsla þar sem þú getur mætt og talað við aðrar erlendar konur.

Ráðgjafar WOMEN tala íslensku, ensku og fleiri tungumál. Í húsi WOMEN er lyfta þannig að hægt er að komast í hjólastól. WOMEN borga ekki fyrir táknmálstúlkun. 

WOMEN er á Túngötu 14 í Reykjavík. Þú getur bókað viðtal með því að senda þeim tölvupóst á info@womeniniceland.is eða hafa samband gegnum vefsíðuna þeirra eða facebook.

Íslenska, English og fleiri tungumál. Tungumálatúlkun. Ekki boðið upp á táknmálstúlkun.

W.O.M.E.N. (Women Of Multicultural Ethnicity Network in Iceland) eru samtök kvenna af erlendum uppruna sem búa á Íslandi. Þar geta erlendar konur fengið ráðgjöf og stuðning.

Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.

Að útbúa öryggisáætlun er leið til að vernda öryggi þitt og barnanna þinna, hvort sem það er innan sambandsins eða ef þú ákveður að fara.

Kvennaathvarfið hjálpar öllum konum sem hafa orðið fyrir ofbeldi í nánu sambandi, bæði með húsaskjól og ráðgjöf.

Kvennaathvarfið er neyðarathvarf sem tekur á móti konum og börnum þeirra, sem flýja þurfa heimili sín vegna ofbeldis. Dvöl í athvarfinu er ókeypis.

Kvennaathvarfið býður einnig uppá viðtöl fyrir konur sem eru í ofbeldissambandi eða hafa orðið fyrir ofbeldi í nánu sambandi. Það kostar ekkert að tala við ráðgjafa og þú þarft ekki að dvelja í athvarfinu til þess að fá viðtalstíma. Viðtöl geta bæði verið á staðnum eða í gegnum síma. Ráðgjöf er einnig í boði fyrir aðstandendur þolenda. 

Ráðgjafar tala íslensku og ensku. Þú getur fengið táknmálstúlkun og tungumálatúlkun ef þú þarft. Kvennaathvarfið er bæði í Reykjavík og á Akureyri, en athvörfin eru opin fyrir konur af öllu landinu.

Þú getur hringt allan sólarhringinn í Kvennaathvarfið í síma 561 1205 til að fá stuðning strax eða pantað þér tíma í ráðgjöf í gegnum vefsíðuna þeirra. Þú getur líka sent þeim tölvupóst á kvennaathvarf@kvennaathvarf.is. 

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi

Kvennaathvarfið

Dvöl og ráðgjöf fyrir konur

Símanúmer

Tölvupóstur

Vefsíða

Aðgengi

Tungumál

Aðstoð í boði

Kvennaathvarfið á Akureyri

Bjarkarhlíð

WOMEN

Líkamlegt ofbeldi

Öryggisáætlun