Mannréttindaskrifstofa hjálpar öllum innflytjendum sem vantar lögfræðiráðgjöf.

Mannréttindaskrifstofan fylgist með stöðu mannréttinda á Íslandi. Ef þú ert innflytjandi og vantar lögfræðiráðgjöf vegna ofbeldis getur þú talað við ráðgjafa hjá Mannréttindaskrifstofu.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft. Þá þarftu bara að bóka með fyrirvara.

Ráðgjöfin er á Túngötu 14 og er opin á þriðjudögum frá 14-19 og á föstudögum frá 9-14. Það þarf að bóka tíma í síma 552 2720 eða senda þeim tölvupóst á info@humanrights.is.

Hjá Mannréttindaskrifstofu fá innflytjendur ókeypis lögfræðiráðgjöf.

Láttu vita fyrirfram ef þú ert í hjólastól.

Kvennaráðgjöfin býður upp á ókeypis lögfræði- og félagsráðgjöf vegna ofbeldismála.

Ef þér vantar lögfræðiaðstoð vegna ofbeldismáls geturðu talað við ráðgjafa hjá Kvennaráðgjöfinni. Kvennaráðgjöfin veitir konum stuðning og ráðgjöf en ráðgjöfin er líka opin körlum. Ráðgjöfin kostar ekki neitt. Ekki þarf að gefa upp nafn eða aðrar persónuupplýsingar til að fá ráðgjöf.

Kvennaráðgjöfin er á 2. hæð en það er ekki lyfta í húsinu. Ef þú ert í hjólastól þarftu að taka það fram og þá er tekið á móti þér á 1. hæð. Kvennaráðgjöfin borgar ekki fyrir táknmálstúlk. Ef þú þarft tungumálatúlk er leitað hjálpar hjá WOMEN (samtök erlendra kvenna á Íslandi) sem eru í sama húsi.

Kvennaráðgjöfin er á Túngötu 14 (Hallveigarstöðum) í Reykjavík. Opnunartímar eru þriðjudaga frá kl. 20-22 og fimmtudaga frá kl. 14-16. Það má bæði koma á staðinn og hringja í síma 552 1500. 

Tungumálatúlkun. Ekki táknmálstúlkun.

Kvennaráðgjöfin er ókeypis lögfræði- og félagsráðgjöf fyrir konur.

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er í Norðlingaholti í Reykjavík. Þar er opið á virkum dögum frá 9–17. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi og þolendum mansals stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.

Laganemar í Oritor gefa öllum lögfræðiaðstoð í gegnum síma á fimmtudagskvöldum.

Laganemar í félögunum Orator hjá Háskóla Íslands og Lögréttu hjá Háskóla Reykjavíkur bjóða upp á ókeypis lagaráðgjöf gegnum síma. Laganemarnir eru langt komnir í náminu og eru undir umsjón starfandi lögmanna. Þannig öðlast laganemarnir dýrmæta reynslu og almenningur getur fengið lögfræðiaðstoð án þess að borga fyrir. Fullur trúnaður ríkir.

Það er hægt að fá ráðgjöf á meðan skólaárinu stendur, það er frá september fram í apríl, fyrir utan í desember því þá er prófatími. Þú getur hringt í Lögréttu á þriðjudögum frá kl. 17-19 í síma 777-8409 og í Orator á fimmtudagskvöldum frá kl. 19:30-22 í síma 551-1012.

Ef þú ert með einhverjar spurningar utan þessa tíma er hægt að senda Lögréttu tölvupóst á logrettalaw@logretta.is eða við Orator á orator@hi.is.

Lögfræðinemar háskólanna bjóða upp á ókeypis lögfræðiráðgjöf gegnum síma.

Lögfræðiaðstoð laganema

Ókeypis lögfræðiráðgjöf

Símanúmer

Tölvupóstur

Vefsíða

Aðgengi

Tungumál

Fleiri úrræði

Mannréttindaskrifstofa

Kvennaráðgjöfin

Bjarkarhlíð