Stafrænt ofbeldi, eða netofbeldi, er það þegar einhver notar tæki eða tækni til að fylgjast með þér, ógna þér, áreita þig eða niðurlægja þig.

Kenndu börnum leiðir til að koma í veg fyrir stafræn brot og leiðir til að takast á við það ef það gerist.

Talaðu við börn um örugg netsamskipti

Börn og unglingar lenda stundum í óviðeigandi hegðun á netinu, eins og að persónulegum eða kynferðislegum myndum sé deilt án leyfis eða að lenda í neteinelti.

Ráð fyrir börn og unglinga sem lenda í áreiti á netinu

Passaðu upp á öryggi þitt með því að tryggja að tækin þín séu ekki viljandi eða óviljandi að deila persónulegum upplýsingum sem þú vilt ekki að fari lengra.

Öruggar leiðir til að nota tölvur og síma

Andri var mjög glaður þegar hann sópaði myndinni af Helgu til hægri og komst að því að hún hafði líka áhuga á honum. Þau voru ...

Andri var mjög glaður þegar hann sópaði myndinni af Helgu til hægri og komst að því að hún hafði líka áhuga á honum. Þau voru í sama menntaskóla, Helga einu ári eldri, vinsæl og miklu sætari – að Andra mati. Þau byrja að spjalla gegnum appið og fara fljótlega að daðra.

En nú líður Andra mjög illa, Helga hafði beðið hann um nektarmynd og ætlaði að senda af sér til baka sem hún gerði svo aldrei. Helga sendi myndina á vini sína og nú eru þeir allir að mæla út nakinn líkama Andra. Helgu finnst þetta allt saman fyndið og gerir lítið úr mótmælum Andra. Hún birti meira að segja spjallið þeirra á Insta og allir krakkarnir í skólanum eru búnir að læka það.

Ef þú hefur skoðað kynferðislegar myndir af börnum eða átt kynferðisleg samtöl við ungmenni yngri en 18 ára geturðu fengið hjálp til að stöðva slíka hegðun.

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er við Bústaðarveg í Reykjavík. Þar er opið á virkum dögum frá 9–17. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi og þolendum mansals stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Hjá Barnaheill geturðu fengið ráðgjöf um flest allt varðandi málefni barna.

Barnaheill eru samtök sem vinna að réttindum og velferð barna með barnasáttmála Sameinuðu þjóðanna að leiðarljósi. Hjá þeim geturðu fengið ráðgjöf um hvernig bregðast megi sem best við ýmsum aðstæðum sem varða börn. Þú getur meðal annars leitað til þeirra með lögfræðileg álitaefni eða fengið ráðgjöf um viðbrögð vegna ofbeldis gegn börnum.

Á vefsíðu þeirra er hægt að tilkynna ólöglegt og óviðeigandi efni sem varðar börn eða er beint að börnum. Börn geta tilkynnt efni sem varðar þau sjálf eða aðra. Tilkynningar eru nafnlausar og eru sendar áfram til lögreglu. Dæmi um efni sem ætti að tilkynna er: nektarmyndir eða myndbönd, áreitni með myndum eða orðum, hvers konar ofbeldi, hótanir, einelti, boð um áfengi og vímuefni, mansal, vændi, hatursfullt tal eða önnur óæskileg hegðun.

Ef þig grunar að barn er beitt ofbeldi er þér skylt að tilkynna það til barnaverndar. Mundu að barn á alltaf að njóta vafans. Til að tilkynna getur þú annað hvort hringt í 112 eða notað netspjall 112. Til að fá ráðgjöf hjá Barnaheill, hringdu í síma 553 5900 eða sendu þeim tölvupóst á radgjof@barnaheill.is.

Íslenska, english, polskie og คนไทย.

Barnaheill býður upp á ráðgjöf um allt varðandi börn. Á vefsíðu þeirra er hægt að benda á óviðeigandi hegðun gagnvart börnum á netinu.

Ef þú heldur að það sé mögulegt að þú hafir beitt einhvern kynferðislegu ofbeldi eða þú eða aðrir hafa áhyggjur af kynferðislegri hegðun þinni, á netinu eða gagnvart öðru fólki, þá geturðu fengið hjálp.

Taktu skrefið er hópur sálfræðinga með sérþekkingu á þessu sviði. Þar geta börn, ungmenni og fullorðnir fengið aðstoð.

Þjónustan er ekki gjaldfrjáls en flest stéttarfélög niðurgreiða þó sálfræðiþjónustu. Einnig er hægt að athuga með styrk hjá félagsþjónustu eða þjónustumiðstöðvum hjá því sveitarfélagi sem þú átt lögheimili í.

Fáðu hjálp og komdu í veg fyrir kynferðisbrot

Taktu skrefið er hópur sálfræðinga sem aðstoða fólk sem hefur áhyggjur af kynferðislegri hegðun sinni eða hefur beitt kynferðisofbeldi.

Samskipti fara æ oftar fram á netinu. Mikilvægt er að vita hvaða hegðun er í lagi, hvaða hegðun er óviðeigandi og hvað eigi að gera þegar stafrænt ofbeldi á sér stað. Lærðu hvernig þú getur bætt öryggi þitt og þinna á netinu.

Tryggðu öryggi þitt og þinna á netinu

Netöryggi

Stafrænt ofbeldi

Talaðu við börn um örugg netsamskipti

Ráð fyrir börn og unglinga sem lenda í áreiti á netinu

Þekkir þú birtingarmyndir ofbeldis?

Andri

Er þetta ofbeldi?

Úrræði í boði

Bjarkarhlíð

Barnaheill

Taktu skrefið