Þú getur alltaf hringt í 1717. Það er fullur trúnaður og nafnleynd.

Þú getur hringt í símanúmerið 1717 eða talað gegnum netspjall Rauða Krossins ef þú vilt tala við einhvern. Þjálfað og reynslumikið fólk á öllum aldri sjá um að svara. Þú getur talað um hvað sem þú vilt. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis.

Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt.

Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins ef þú vilt tala við einhvern. Það er opið allan sólarhringinn. Ekkert vandamál er of lítið eða of stórt.

Fagráð eineltismála veitir ráðgjöf í eineltismálum fyrir nemendur í grunn- og framhaldsskólum. 

Ef það tekst ekki að finna fullnægjandi lausn á einelti innan skóla eða sveitarfélags (eða vegna aðgerðaleysis þeirra) er hægt að vísa eineltismálum til fagráðsins. Fagráðið reynir þá að ná ásættanlegri úrlausn og gefur út ráðgefandi álit, byggt á gögnum og upplýsingum varðandi málið. Hægt er að lesa meira um vísun máls á hér.

Þau sem geta leitað til fagráðs eru: nemendur, foreldrar og forsjáraðilar, starfsfólk grunn- og framhaldskóla og öll sem starfa með börnum í skóla-, frístunda- eða tómstundastarfi .

Þetta á við eftirfarandi starf grunnskóla:

frístundaheimili fyrir nemendur í yngri árgöngum grunnskóla

félags- og tómstundastarf á vegum skóla

Þú vísar máli til fagráðsins með því að senda tölvupóst á fagrad@mms.is.

Ef þú ert í grunn- eða framhaldsskóla og færð ekki úrlausn á eineltismáli geturðu leitað til fagráðs eineltismála.

Hafðu samband við þitt sveitarfélag til að fá stuðning.

Börn og fjölskyldur þeirra geta fengið fjölbreyttan stuðning hjá félags- og velferðarþjónustu í sínu sveitarfélagi. Til dæmis vegna félagslegra aðstæðna, álags, veikinda, fötlunar, ofbeldis. Þú getur fengið félagslega ráðgjöf varðandi fjármál, húsnæði, uppeldi, skilnað, forsjár- og umgengnismál, ættleiðingar og fleira.

Flest sveitarfélög bjóða upp á öflugan stuðning við fjölskyldur sem þurfa á meiri aðstoð að halda, eins og heimsóknarþjónustu, aðstoð við heimilishald, tengsl við aðra þjónustuaðila, til dæmis skólayfirvöld og heilbrigðisstofnanir. Þessi úrræði ganga oft undir ýmsum nöfnum en heyra undir velferðarþjónustu hvers sveitarfélags.

Dæmi um úrræði sem boðið er upp á í sumum sveitarfélögum:

PMTO (Parent Management Training – Oregon aðferð) er meðferðarprógramm ætlað foreldrum barna með hegðunarerfiðleika. Úrræðið hentar foreldrum á leik- og grunnskólaaldri. Þjónustan er veitt í ýmsum sveitarfélögum. Á vefsíðu Barnaverndarstofu má finna upplýsingar um hvert skal leita hjá hverju sveitarfélagi.

Samvinna eftir skilnað hentar foreldrum barna sem eru að skilja eða slíta sambúð og þeim sem hafa gengið í gegnum sambúðarslit og vilja bæta samskipti sín í þágu barnanna.


Hafðu samband við félags- eða velferðarþjónustu í því sveitarfélagi sem þú býrð í. Þú getur fundið upplýsingar um þitt sveitarfélag á vefsíðu Sambands íslenskra sveitarfélaga.

Upplýsingar um stuðning í Reykjavík má finna á vef Reykjavíkurborgar. Þar eru þjónustumiðstöðvar og hægt er að panta viðtal við ráðgjafa á þinni þjónustumiðstöð með síma eða tölvupósti. Ef þú ert ekki viss um hver þín þjónustumiðstöð er geturðu séð það á þessu korti. Þú getur líka hringt í þjónustuver Reykjavíkurborgar 411 1111 til að fá meiri upplýsingar. Þar er opið frá 8:20 til 16:15. 

Íslenska, English, polski. Tungumála- og táknmálstúlkun.

Félags- og velferðarþjónustur sveitarfélaganna veita fjölbreyttan stuðning við börn og fjölskyldur þeirra. Þar er hægt að fá stuðning vegna ofbeldis.

Einelti er endurtekið ofbeldi, líkamlegt eða andlegt, þar sem einn eða fleiri níðast á einstaklingi sem á erfitt með að verjast. Til að geta stöðvað einelti er mikilvægt að þekkja vísbendingarnar.

Samskiptaráðgjafi aðstoðar öll í íþrótta- og æskulýðsstarfi. Einelti, áreitni og hvers konar ofbeldi er ekki liðið innan íþrótta- eða æskulýðsstarfs. Þú getur talað við samskiptaráðgjafa og fengið ókeypis ráðgjöf vegna atvika sem eiga sér stað án þess að þurfa að óttast afleiðingarnar. Samskiptaráðgjafi hjálpar við að koma kvörtun á framfæri við rétt yfirvöld.

Öll sem sækja skipulagðar æfingar eða félagsstarf á landinu geta leitað til samskiptaráðgjafa varðandi einelti eða ofbeldi sem þau telja sig hafa orðið fyrir eða orðið vitni að í sínu íþrótta- eða æskulýðsstarfi. Þar á meðal börn, ungmenni og fullorðnir, þátttakendur, iðkendur, starfsmenn, sjálfboðaliðar og stjórnarfólk.

Þú getur pantað viðtalstíma eða fengið upplýsingar í síma 839 9100 eða senda tölvupóst á samskiptaradgjafi@samskiptaradgjafi.is.

Það er opinn símatími alla þriðjudaga frá 10 til 11.  Þú getur líka reynt að hringja á dagvinnutíma utan símatíma og þá er svarað ef samskiptaráðgjafi er á lausu. Þegar haft er samband við samskiptaráðgjafa er unnið eftir ákveðnu ferli.

Samskiptaráðgjafi er hér til að hlusta, styðja þig og aðstoða með öll mál sem snerta óeðlileg samskipti eða áreiti við íþróttaiðkun eða æskulýðsstörf.

Samskiptaráðgjafi

Öruggt umhverfi

Símanúmer

Heimilisfang

Tölvupóstur

Vefsíða

Aðgengi

Tungumál

Meiri aðstoð

1717

Fagráð eineltismála

Félagsþjónusta sveitarfélaganna

Einelti