Fagráð eineltismála

Fagráð eineltismála veitir ráðgjöf í eineltismálum fyrir nemendur í grunn- og framhaldsskólum.

Fagráð eineltismála

Hlutverk Fagráðs gegn einelti er að veita skólasamfélaginu ráðgjöf og leiðbeiningar í eineltismálum ef ekki tekst að ná ásættanlegri úrlausn innan skóla og/eða sveitarfélags. Forsendur þess að mál sé tekið upp í fagráðinu eru að formleg eineltistilkynning sé til staðar og unnið hafi verið með hana skv. verkferlum skólans. Fagráðið gefur ráðgefandi álit í samræmi við gögn málsins og veitir eftirfylgd við að skýra vinnuferla, aðgerðar- og viðbragðsáætlanir.

Til fagráðsins geta leitað nemendur, foreldrar/forsjáraðilar og starfsfólk grunn- og framhaldsskóla. Þá geta einnig aðilar sem starfa með börnum í skóla-, frístunda- eða tómstundastarfi óskað eftir aðkomu fagráðs.

Foreldrar/forsjáraðilar nemanda framhaldsskóla, nemendur og starfsfólk framhaldsskóla geta óskað eftir aðkomu fagráðins vegna nemendamála ef ekki tekst að finna viðunandi lausn innan skólans.

Beiðni til Fagráðs eineltismála má senda inn á vef stofnunarinnar.

Heimilisfang
Víkurhvarf 3, Kópavogi
Tölvupóstur
fagrad@midstodmenntunar.is
Vefsíða
https://island.is/s/midstod-menntunar-og-skolathjonustu/fagrad-eineltismala
Tungumál
Boðið er upp á túlk á því tungumáli sem þörf er á. Einnig er hægt að fá táknmálstúlk.

Frekari aðstoð í boði

Sjá alla aðstoð

Umboðsmaður barna

Umboðsmaður barna er opinber talsmaður barna og vinnur að því að tekið sé fullt tillit til réttinda, þarfa og hagsmuna barna.

Lesa meira

Samskiptaráðgjafi

Samskiptaráðgjafi er hér til að hlusta, styðja þig og aðstoða með öll mál sem snerta óeðlileg samskipti eða áreiti við íþróttaiðkun eða æskulýðsstörf.

Lesa meira

Þrjár dökkhærðar stelpur sitja á grasi. Þær snúa baki í myndavélina og spjalla saman.

Barnaheill

Barnaheill eru barnaréttindasamtök sem standa vörð um réttindi barna, berjast gegn einelti og kynferðisofbeldi á börnum. Samtökin leggja áherslu á að efla áhrifamátt barna í samfélaginu.

Lesa meira

Landsteymið

Miðstöð menntunar og skólaþjónustu starfrækir stuðnings- og ráðgjafarteymi, Landsteymi, sem hefur það hlutverk að styðja við börn, foreldra og starfsfólk á öllum skólastigum sem hafa þörf fyrir aukinn stuðning í skólaumhverfinu.

Lesa meira

Einelti

Einelti er endurtekið ofbeldi, líkamlegt eða andlegt, þar sem einn eða fleiri níðast á einstaklingi sem á erfitt með að verjast. Til að geta stöðvað einelti er mikilvægt að þekkja vísbendingarnar.

Lesa um einelti