Beint í efni

Taka ábyrgð á eigin hegðun

Ef þú heldur að það sé mögulegt að þú sért að beita þína nánustu einhvers konar ofbeldi hafðu þá samband við Heimilisfrið. Meðferðin snýst um að taka ábyrgð á eigin ofbeldisfullu hegðun. Síðan eru kenndar leiðir til að takast á við vandamál á uppbyggilegan hátt.

Meðferðin byrjar með einstaklingsviðtölum en síðan er líka hægt að fara í hópráðgjöf. Einstaklingsviðtal kostar 3000 kr. og hópmeðferð kostar 16.000 kr. önnina. Í Heimilisfriði er ekki boðið upp á paraviðtöl en mökum er boðið upp á 2 viðtöl við upphaf og lok meðferðar.

Í húsinu er lyfta þannig að hægt er að komast í hjólastól. Ef þú þarft táknmálstúlkun eða tungumálatúlkun greiða tilvísunaraðilar fyrir þá þjónustu.

Heimilisfriður er á Höfðabakka 9 í Reykjavík. Hægt er að bóka tíma í síma 555 3020 eða senda þeim tölvupóst á heimilisfridur@shb9.is. Einnig er starfsmaður á Akureyri sem sinnir öllu landinu, síminn hjá honum er 460 9500.

Heimilisfriður hjálpar fólki sem beitir ofbeldi að hætta því.

Reynslusaga Tómasar

Tómas er ekki til í alvörunni en frásögn hans er byggð á viðtölum við þá sem hafa beitt ofbeldi í nánum samböndum. Þeir sem beita ofbeldi geta breyst með því að leita sér hjálpar.

Mýtur um fólk sem beitir ofbeldi

Þeir sem beita ofbeldi ganga huldu höfði í íslensku samfélagi í skjóli mýta um fólk sem beitir ofbeldi. Sérfræðingar í málefnum þolenda og gerenda telja að nauðgunarmenningu og ofbeldi verði ekki útrýmt nema með því að varpa ljósi á gerendur og skapa menningu þar sem þeir geta og þurfa að axla ábyrgð.

Fleiri úrræði

Skoða öll úrræði

1717

1717 er hjálparsími og netspjall Rauða Krossins sem er til staðar allan sólarhringinn ef þú vilt tala við einhvern. Ekkert vandamál er of lítið eða of stórt.

Heilsuvera

Á vef Heilsuveru er hægt að tala við hjúkrunarfræðing gegnum netspjall. Á vefnum eru upplýsingar um allt varðandi heilsu. 

Heilsugæslan

Á heilsugæslunni starfa læknar, hjúkrunarfræðingar, ljósmæður og sálfræðingar sem geta hjálpað þér.