Beint í efni

Stuðningur og ráðgjöf vegna kynferðisofbeldis

Á Norðurlandi er neyðarmóttaka fyrir þolendur kynferðisofbeldis á Sjúkrahúsinu á Akureyri. Þar er opið allan sólarhringinn, allt árið. Það kostar ekkert að fara þangað. Það getur verið gott að koma með einhverjum sem þú treystir. 

Á Neyðarmóttökunni vinna hjúkrunarfræðingar, félagsfræðingar, sálfræðingar og læknar sem geta hjálpað þér andlega og líkamlega. Þar er líka hægt að fá aðstoð lögfræðings eða réttargæslumanns ef þú vilt. Sakargögnum er safnað sem hægt er að nýta ef þú ákveður að kæra. Til að auka líkurnar á að finna sakargögn er mikilvægt að koma eins fljótt og hægt er og ekki þvo þér eða fötin þín áður. Það er aldrei nein krafa um ákæru.

Þú getur annað hvort komið beint eða hringt í síma 463 0800.

Neyðarmóttakan á Akureyri tekur vel á móti þér allan sólarhringinn.

Fleiri úrræði

Skoða öll úrræði

    Neyðarmóttaka vegna kynferðisofbeldis

    Neyðarmóttakan tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

    Bjarmahlíð á Akureyri

    Bjarmahlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Öll aðstoð er á þínum forsendum.

    Kvennaathvarfið á Akureyri

    Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi.