Þetta er stór spurning sem aðeins þú getur svarað. Það er mikilvægt að gerandinn beri ábyrgð á broti sínu. Það tekur þó tíma og krefst vinnu að sjá til þess að réttvísin nái fram að ganga.
Þessi síða er hluti af Leiðarvísi fyrir þolendur kynferðisbrota sem eru eldri en 18 ára.
Það er mjög mikilvægt að vinna úr áfallinu sem þú hefur orðið fyrir. Andleg og líkamlega heilsa þín á alltaf að vera í fyrsta sæti. Það er gott að byrja bataferlið sem fyrst. Þegar þolendur kæra hefur það reynst mörgum þeirra vel að skilja í sundur gang málsins í réttarkerfinu og bataferlið.
Að kæra brotið og láta málið fara gegnum réttarkerfið er eina leiðin fyrir þig til að láta gerandann taka ábyrgð. En þó þú kærir er ekki víst að málið fari fyrir dóm. Það er ekki hægt að ábyrgjast að gerandinn verði dæmdur sekur. Rannsókn og málsmeðferð taka tíma og vegferðin getur verið erfið.
Gerandinn er mögulega sakfelldur fyrir kynferðisbrot og þá fer dómurinn varanlega á sakaskrána hans. Dómurinn sést í 5 ár á sakavottorði til einstaklinga og í 10 ár á sakavottorði til opinberra aðila. Gerandinn þarf yfirleitt líka að greiða þér bætur og sakarkostnað. Þú getur átt rétt á bótum þótt málið sé látið niður falla. Hann þarf yfirleitt líka að greiða bætur og sakarkostnað.
Fyrir gerendur er refsingin að hljóta þennan dóm. Markmiðið með afplánun, til dæmis fangelsisvist, er svo að koma í veg fyrir að þeir brjóti aftur af sér.
Já, þú getur kært síðar. Það er samt mikilvægt að hafa í huga að því lengra sem liðið er frá brotinu því erfiðara getur reynst að nálgast mikilvæg gögn í málinu.
Ef þú vilt vita meira um kæruferlið má alltaf leita til lögreglunnar til að fá ráðgjöf.
112 gefur þér samband við lögregluna eða þú getur haft beint samband við ákveðið umdæmi. Þú getur líka fengið að tala við lögregluþjón á miðstöðvum fyrir þolendum ofbeldis.
Hlutverk réttarkerfisins, lögreglu og dómstóla, er að safna gögnum, meta þau og dæma út frá þeim á hlutlausan hátt. Ferlið getur því virkað ópersónulegt - en það er orð sem þolendur nota stundum til að lýsa upplifun sinni af málsmeðferð í réttarkerfinu.
Réttargæslumaður er lögmaður sem hefur það hlutverk að gæta hagsmuna þinna og veita þér aðstoð í málinu. Þú þarft ekki að borga fyrir þjónustu réttargæslumannsins heldur greiðir ríkið kostnaðinn.
Réttargæslumaður á að útskýra málsmeðferðina fyrir þér og getur aflað upplýsinga um stöðu og meðferð málsins hjá lögreglu og héraðssaksóknara.
Þú færð aðstoð við að velja réttargæslumann snemma í ferlinu, í gegnum lögregluna, þolendamiðstöðvar eða neyðarmóttöku fyrir þolendur kynferðisbrota.
Þú hefur fullan rétt á að skipta um réttargæslumann hvenær sem er í ferlinu.
Þolendamiðstöðvar veita ráðgjöf og upplýsingar um bæði bataferlið og réttargæslukerfið. Þar eru starfandi ráðgjafar og sálfræðingar og hægt að fá að tala við lögregluþjón og lögfræðing á staðnum.
