Bjarmahlíð á Akureyri
Bjarmahlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.
Miðstöð fyrir þolendur ofbeldis
Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarmahlíð. Þar getur þú líka talað við lögreglu og lögfræðinga í þægilegu umhverfi. Öll eru velkomin og það kostar ekkert að koma. Öll aðstoð er á þínum forsendum.
Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól þannig að ef þú notar hjólastól þarftu að taka það fram þegar þú bókar tíma. Ráðgjafinn getur þá hitt þig hjá Félagsþjónustu Akureyrarbæjar í Glerárgötu.
Bjarmahlíð er í Aðalstræti 14 á Akureyri. Þar er opið á virkum dögum frá 10–14. Best er að bóka tíma gegnum vefsíðuna þeirra eða hringja í síma 551 2520. Þú getur líka sent þeim tölvupóst á bjarmahlid@bjarmahlid.is.
Símanúmer
Heimilisfang
Aðalstræti 14, 600 Akureyri. Skoða á kortiTölvupóstur
Vefsíða
Aðgengi
Láta þarf vita fyrirfram ef þú ert í hjólastól.Tungumál
Íslenska, English. Tungumála- og táknmálstúlkun.
Bjarmahlíð á Akureyri hjálpar öllu fólki sem hefur orðið fyrir ofbeldi.
Þjónustan í Bjarmahlíð
Bjarmahlíð er miðstöð fyrir þolendur ofbeldis á Norðurlandi, óháð kyni. Þar er hægt að fá hjálp.
Lögreglan í Bjarmahlíð
Þegar lögreglan kemur í Bjarmahlíð og hittir þolendur er það fyrst og fremst til að veita þeim stuðning, öryggi og upplýsingar.
Líkamlegt ofbeldi
Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.
