Heilsuvera
Á vef Heilsuveru er hægt að tala við hjúkrunarfræðing gegnum netspjall. Á vefnum eru upplýsingar um allt varðandi heilsu.
Tala við hjúkrunarfræðing
Heilsuvera er vefsíða sem heilsugæslan og landlæknir sjá um. Þar geturðu fengið ráðgjöf frá hjúkrunarfræðingi gegnum netspjall alla daga frá 8 til 22 eða símaráðgjöf allan sólarhringinn í síma 1700. Á vefsíðunni eru upplýsingar um heilsu og líka um ofbeldi og hvað er til ráða. Þar eru einnig gagnlegar upplýsingar á ensku og pólsku um ýmis málefni, til dæmis sálfræðiþjónustu og réttindi sjúklinga.
Þegar þú skráir þig inn á Netspjallið er beðið um nafn eða netfang en þú þarft ekki að gefa upp nafn eða netfang. Það er hægt að hafa reitina auða og smella strax á Byrja spjall. Ef þú talar ekki íslensku reyna hjúkrunarfræðingar eftir bestu getu að tala þitt tungumál.
Þú getur skráð þig inn með rafrænum skilríkjum á Mínar síður á Heilsuveru. Þá geturðu séð sjúkrasöguna þína, endurnýjað lyfseðla, sent skilaboð til læknis eða bókað tíma hjá lækni á næstu heilsugæslustöð.
Símanúmer
Vefsíða
Tungumál
Tungumálatúlkun.
Hjúkrunarfræðingar Heilsuveru veita þér ráðgjöf varðandi heilsu og heilbrigðisþjónustu.
Líkamlegt ofbeldi
Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.
Heilbrigð sambönd og kynlíf
Sambönd fólks eru ólík en gott að muna að ekkert samband er fullkomið. Mestu máli skiptir að tala saman af heiðarleika og virðingu.
