Hjúkrunarfræðingar Heilsuveru veita þér ráðgjöf varðandi heilsu og heilbrigðisþjónustu.

Heilsuvera er vefsíða sem heilsugæslan og landlæknir sjá um. Á vefsíðunni eru upplýsingar um heilsu og líka um ofbeldi og hvað er til ráða. Þar geturðu fengið ráðgjöf frá hjúkrunarfræðingi gegnum netspjall alla daga frá 8-22.

Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang. Ef þú talar ekki íslensku reyna hjúkrunarfræðingar eftir bestu getu að tala þitt tungumál.

Þú getur skráð þig inn með rafrænum skilríkum á þitt svæði á Heilsuveru. Þá geturðu séð sjúkrasöguna þína, endurnýjað lyfseðla, sent skilaboð til læknis eða bókað tíma hjá lækni á næstu heilsugæslustöð.

Á vef Heilsuveru er hægt að tala við hjúkrunarfræðing gegnum netspjall. Á vefnum eru upplýsingar um allt varðandi heilsu. 

Neyðarmóttakan er opin öllum, allan sólarhringinn.

Neyðarmóttaka vegna kynferðisofbeldis er á bráðamóttökunni á Landspítalanum í Fossvogi. Þar er alltaf opið og það kostar ekkert að fara þangað. Það getur verið gott að koma með einhverjum sem þú treystir. 

Á Neyðarmóttökunni vinna hjúkrunarfræðingar, sálfræðingar og læknar sem geta hjálpað andlega og líkamlega. Þar er líka hægt að fá aðstoð lögfræðings eða réttargæslumanns. Sakargögnum er safnað sem hægt er að nýta ef þú ákveður að kæra. Til að auka líkurnar á að finna sakargögn er mikilvægt að koma eins fljótt og hægt er og ekki þvo þér eða fötin þín áður. 

Sími Landspítalans er 543 1000 og það er opið allan sólarhringinn. Það er líka hægt að senda þeim tölvupóst á neydarmottaka@landspitali.is eða hafa samband gegnum netspjall á vefsíðu spítalans. 

Stuðningur og ráðgjöf vegna kynferðisofbeldis 

Neyðarmóttakan tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

Þú getur alltaf hringt í 1717. Fullur trúnaður og nafnleynd ríkir.

Þú getur hringt í símanúmerið 1717 eða talað gegnum netspjallið ef þú vilt tala við einhvern. Hægt er að hafa samband vegna alls þess sem þér liggur á hjarta. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis. Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt. Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins sem er til staðar allan sólarhringinn ef þú vilt tala við einhvern. Ekkert vandamál er of lítið eða of stórt.

Andlegt ofbeldi er þegar einhver hótar þér, gerir lítið úr þér eða lætur þér líða illa. Það getur verið bæði með orðum og hegðun.

Þú getur leitað til þinnar heilsugæslu til að fá aðstoð vegna ofbeldis. Á dagvinnutíma geturðu alltaf fengið að tala við hjúkrunarfræðing sem aðstoðar þig og vísar þér á viðeigandi aðstoð eftir þörfum. Þú getur annað hvort hringt eða farið á þína heilsugæslustöð.

Þú getur talað líka talað við hjúkrunarfræðing á netinu gegnum netspjall Heilsuveru. Á Heilsuveru er hægt að sjá hver þín heilsugæslustöð er, bóka tíma hjá lækni og hægt að nálgast upplýsingar um allt varðandi heilsu, þar á meðal um ofbeldi.

Margar heilsugæslustöðvar eru með sérstaka móttöku fyrir ungt fólk á aldrinum 13-20 ára. Þangað geta ungmenni leitað til að ræða um heilsu sína og líðan.

Á heilsugæslustöðvum og sjúkrahúsum á landsbyggðinni er læknir ávallt á vakt. Hér má sjá kort með upplýsingum um allar heilbrigðisstofnanir á landinu. 

Á heilsugæslunni starfa læknar, hjúkrunarfræðingar, ljósmæður og sálfræðingar sem geta hjálpað þér.

Heilsugæslan

Talaðu við hjúkrunarfræðing

Vefsíða

Tungumál

Fleiri úrræði

Heilsuvera

Neyðarmóttaka vegna kynferðisofbeldis

1717