Velferð barna

Öll börn eiga rétt á vernd gegn ofbeldi. Það er á ábyrgð fullorðinna að passa upp á það. Ef þú veist eða hefur grun um að barn sé beitt ofbeldi áttu að tilkynna það. Alvarlegt einelti, vanrækslu og áhættuhegðun á líka að tilkynna. Góð samskipti og fræðsla er góð undirstaða til að fyrirbyggja ofbeldi og stoppa það eins fljótt og hægt er.

Manneskja heldur fyrir augun. Hún snýr að okkur og mikið liðað hár sveiflast til hægri í vindinum.

Ofbeldi gegn börnum

Ofbeldi gegn barni hefur langvinnar og alvarlegar afleiðingar langt fram á fullorðinsár. Það er alltaf mikilvægt að stöðva ofbeldið eins fljótt og hægt er og koma börnum til hjálpar.

Lesa meira

Manneskja situr í hjólastól. Hún snýr frá okkur og horfir upp í vindinn. Mikið og liðað hár sveiflast í vindinum.

Vanræksla

Vanræksla getur verið bæði tilfinningaleg og líkamleg. Það er vanræksla þegar barn fær ekki þá umönnun og aðbúnað sem því er nauðsynlegt og getur skaðað þroska þess.

Lesa meira

Manneskja styður höndum á gagnaugun. Henni líður greinilega illa. Eldingar eru teiknaðar hjá höfðinu.

Einelti

Einelti er endurtekið ofbeldi, líkamlegt eða andlegt, þar sem einn eða fleiri níðast á einstaklingi sem á erfitt með að verjast. Til að geta stöðvað einelti er mikilvægt að þekkja vísbendingarnar.

Lesa meira

Manneskja í fjötrum. Hún er með lokuð augu og er leið á svipinn og heldur þétt utan um sig. Rauður þykkur borði er vafinn utan um hana.

Áhættuhegðun

Áhættuhegðun barns er þegar barn hegðar sér á einhvern hátt sem skaðar eða er líklegt til að skaða heilsu þess og þroska. Til dæmis vímuefnaneysla, sjálfskaði, ofbeldi gagnvart öðrum og afbrot.

Lesa meira

Foreldrafræðsla

Að ala upp barn er eitt mikilvægasta og mest krefjandi verkefni sem foreldrar takast á við í lífinu. Færni í uppeldi er hins vegar hvorki meðfædd né kemur sjálfkrafa heldur tekur tíma að tileinka sér nauðsynlega þekkingu.

Lesa meira

Manneskja heldur um gagnaugun og yfir henni vofir regnský. Hún er leið á svipinn. Önnur manneskja heldur regnhlíf yfir höfði hennar til að skýla henni fyrir regninu.

Fræðsla fyrir yngstu börnin

Það er gott að ræða við börn hvaða hegðun sé í lagi og hvað ekki. Hér eru efni til að sýna börnum á aldrinum 4-9 ára um einelti og ofbeldi.

Lesa meira

Það þarf heilt þorp til að ala upp barn.
Afrískt máltæki

Tilkynningarskylda

Ef þig grunar að barn hefur orðið fyrir ofbeldi, að það búi við óviðunandi aðstæður eða að það sé að stofna heilsu sinni og þroska í hættu þá áttu samkvæmt lögum að tilkynna það til barnaverndarnefndar. Það geturðu gert með því að hringja í 112. Það á líka að láta vita ef heilsa ófædds barns sé í hættu. Þetta á bæði við um almenning og fólk sem hefur afskipti af börnum vegna starfs síns.

Ef þú hefur áhyggjur af barni en ákveður að láta ekki vita ertu að ákveða að það sé engin þörf á aðstoð. Það er allt í lagi að láta vita þótt þú sért ekki alveg viss. Losaðu þig við áhyggjurnar og beindu þeim í farveg með því að láta barnavernd vita. Barnavernd hefur alltaf velferð barnsins að leiðarljósi.