Beint í efni

Ég hef orðið fyrir kynferðisofbeldi. Hvað á ég að gera?

Ef þér finnst hafa verið brotið á þér skaltu hafa samband við fagaðila. Andleg og líkamlega heilsa þín á alltaf að vera í fyrsta sæti og úrvinnsla áfallsins sem þú hefur orðið fyrir.

Kannski viltu kæra gerandann strax eða bíða með það. Kannski viltu ekki kæra, það er algjörlega í þínu valdi. Það mikilvægasta er að þú getir haldið áfram með líf þitt.

Hvað gerist þegar ég kæri?

Þú þarft að taka ákvörðun um hvort þú viljir draga geranda þinn til ábyrgðar. Að fylgja máli sínu í gegnum réttarvörslukerfið getur tekið á en það er eina leiðin til að láta gerandann svara til saka.

Í þessum leiðarvísi er reynt að útskýra sem best ferlið sem fer í gang við kæru og við hverju þú mátt búast. Honum er ætlað að skýra ferlið vegna brota á einstaklingum eldri en 18 ára.

Leitað til neyðarmóttöku fyrir þolendur kynferðisofbeldis

Rétti staðurinn ef brotið hefur nýlega átt sér stað.

Fyrir marga þolendur er heimsókn á neyðarmóttökuna fyrsta skrefið í áttina að bata. Neyðarmóttökur fyrir þolendur kynferðisofbeldis eru í Reykjavík og á Akureyri.

Á ég að kæra eða ekki?

Ákvörðunin um að kæra er þín.

Það er mikilvægt að gerendur beri ábyrgð á afbrotum sínum en ferlið tekur tíma og krefst vinnu af þinni hálfu til að réttvísin nái fram.

Brotið kært

Rannsókn fer af stað hjá lögreglunni.

Þegar brot er kært þarf að mæta á lögreglustöð og segja frá brotinu.

Skýrslutaka hjá lögreglu

Þú lýsir upplifun þinni af brotinu.

Ítarlegt viðtal við þig er einn mikilvægasti hluti rannsóknar lögreglunnar. Skýrslutakan fer fram á lögreglustöð.

Málið rannsakað

Lögreglan safnar gögnum.

Málið er orðið að opinberu sakamáli sem lögreglan tekur upp á sína arma.

Sótt um bætur

Réttargæslumaðurinn þinn sækir um bætur fyrir þína hönd.

Krafan um bætur er send til bótasjóðs ríkisins ásamt beiðni um að sjóðurinn innheimti greiðsluna frá geranda.

Ákært eða niðurfellt?

Gögn málsins eru send til héraðssaksóknara.

Héraðssaksóknari tekur ákvörðun um hvort skuli ákært í málinu eða það fellt niður.

Málið fer fyrir héraðsdóm

Þú mætir í dómsal og segir frá þinni upplifun.

Þegar héraðssaksóknari hefur gefið út ákæru á hendur geranda er málið flutt fyrir héraðsdómi. Þú ert helsta vitni héraðssaksóknara í málinu.

Málinu lokið

Hendur halda á skjali

Dómur er kveðinn upp við héraðsdóm.

Nú kemur í ljós hvort gerandinn þurfi að sæta refsingu eða hvort hann er sýknaður.

Eftir dóm

Þegar dómur hefur fallið geta alls konar tilfinningar komið upp.

Að öllum líkindum hafa nú liðið allavega tvö ár síðan brotið var á þér.

Sjá líka:

Góð ráð

Ráð frá þolendum sem hafa verið með mál í réttarvörslukerfinu, fagaðilum og starfsfólki lögreglu og héraðssaksóknara.