Heimilisofbeldi er þegar sá sem beitir ofbeldinu er skyldur eða tengdur þér. Til dæmis einhver í fjölskyldunni eða kærasti eða kærasta. Að horfa upp á aðra á heimilinu vera beitta ofbeldi er líka ofbeldi.

Heimilisofbeldi getur til dæmis verið líkamlegt, andlegt, kynferðislegt eða vanræksla.

Enginn á að þurfa að lifa við ofbeldi. Best er að segja einhverjum fullorðnum sem þú treystir.

Hafðu samband við 112 ef þú býrð við ofbeldi

Sóley er 13 ára stelpa sem ólst upp við heimilisofbeldi. Hér lýsir hún því hvernig það var. Hún hefur nú flutt á annað heimili með mömmu sinni. Í dag er hún glöð og býr við öryggi.

Sóley er 13 ára stelpa frá Reykjavík sem ólst upp við heimilisofbeldi frá fæðingu til 11 ára aldurs. Hún upplifði ofbeldi af hendi föður og þekkti því ekki aðrar heimilisaðstæður fyrr en hún flutti með móður sinni og eldri bróður á annað heimili þar sem þau hafa byggt upp nýtt líf í öryggi. Fjölskyldan leitaði aðstoðar og stuðnings hjá neyðarlínunni: 112, lögreglu, Kvennaathvarfsins og víðar. Það tók Sóley aðeins nokkra mánuði að upplifa frelsi við að vera laus við ofbeldið. Í þessu myndbandi deilir Sóley sögu sinni og mikilvægi þess að leita sér hjálpar og ræða um ofbeldið.

jafnretti.is/von

SÓLEY

Engin spurning eða pæling er heimskuleg.

Sjúktspjall er nafnlaust netspjall fyrir ungmenni til að ræða áhyggjur af samböndunum sínum, samskiptum eða ofbeldi. Spjallið er fyrir ungmenni yngri en 20 ára af öllum kynjum.

Á spjallinu talar þú við Sjúkást ráðgjafa sem eru þjálfaðir af Stígamótum og veita aðstoð, stuðning og upplýsingar um ýmislegt sem tengist samskiptum og ofbeldi. Þú kemur inn á spjallið á eigin forsendum og þarft ekki að gefa upp nafn eða aðrar persónuupplýsingar.

Það skiptir ekki máli hvort ofbeldið eða óheilbrigðu samskiptin áttu sér stað nýlega eða fyrir löngu síðan. Þú getur alltaf spjallað. Markmiðið er að hjálpa þér að skilja hvað gerðist, að þér líði betur og fáir stuðning við að taka næstu skref.

Spjallið er opið mánudags-, þriðjudags- og miðvikudagskvöld frá 8 til 10.

Nafnlaust netspjall fyrir ungmenni til að ræða áhyggjur af samböndum, samskiptum eða ofbeldi.

Þú getur alltaf hringt í 1717. Það er fullur trúnaður og nafnleynd.

Þú getur hringt í símanúmerið 1717 eða talað gegnum netspjall Rauða Krossins ef þú vilt tala við einhvern. Þjálfað og reynslumikið fólk á öllum aldri sjá um að svara. Þú getur talað um hvað sem þú vilt. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis.

Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt.

Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins ef þú vilt tala við einhvern. Það er opið allan sólarhringinn. Ekkert vandamál er of lítið eða of stórt.

Losaðu þig við áhyggjurnar og komdu þeim í farveg. Tilkynntu um mál sem varða börn til 112.

Öll undir 18 ára teljast börn, einnig ófædd börn. Ef þú heldur að barn sé beitt ofbeldi eða búi við vanrækslu ættirðu að láta barnavernd vita. Til dæmis ætti að tilkynna vanrækslu, slæma framkomu foreldra gagnvart barni, áreitni eða ofbeldi annarra gagnvart barni og áhættuhegðun barna. Ekki treysta á að aðrir láti vita. Það er líka mikilvægt að tilkynna aftur ef ástandið breytist ekki.

Markmið barnaverndar er fyrst og fremst að koma börnum og fjölskyldum til aðstoðar. Barnaverndarlög segja að aðstoða eigi börn sem búa við óviðunandi aðstæður eða börn sem stofna heilsu sinni og þroska í hættu. Það er gert með því að styrkja fjölskyldur í uppeldishlutverki sínu og vernda einstaka börn þegar það á við.

Barnavernd leggur áherslu á samvinnu við foreldra og börn. Velferð barnsins er alltaf í forgangi. Börn eru höfð í samráði – eftir því sem aldur þeirra og þroski leyfir.

Þú getur tilkynnt til barnaverndar með því að hringja í 112 eða gegnum netspjall 112. Einnig er hægt er að hringja í þá barnaverndarþjónustu þar sem barnið býr. Fyrir börn í Reykjavík er hægt að senda tilkynningu á vefsíðu borgarinnar. Í sumum öðrum sveitarfélögum er líka hægt að tilkynna gegnum vef þeirra, til dæmis á Akureyri, Hafnarfirði, Kópavogi og Garðabæ.

Þú þarft að segja til nafns þegar þú tilkynnir en getur alltaf óskað eftir nafnleynd gagnvart öðrum en barnaverndinni.

Börn geta líka haft samband sjálf. Það er allt í lagi að tilkynna þótt maður sé ekki alveg viss. Mundu að börn eiga alltaf að njóta vafans.

Barnavernd tryggir vernd og umönnun barna

barnavernd, börn, hagur barna, vernd, hjálp, aðstoð, heilbrigði, mannréttindi, vanræksla, barnaverndarnefnd, áhættuhegðun, tilkynna, barnaverndarlög, foreldrar, barn, krakkar, krakki

Markmið barnaverndar er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Kynferðisofbeldi er það þegar einhver fær þig til að gera eitthvað kynferðislegt sem þú vilt ekki gera, káfar á þér eða áreitir þig á kynferðislegan hátt.

Ef einhver skyldur eða nátengdur þér beitir þig ofbeldi kallast það heimilisofbeldi eða ofbeldi í nánu sambandi.

Heimilisofbeldi hjá unglingum

Hvað er heimilisofbeldi?

Fáðu hjálp

Saga af heimilisofbeldi

Fáðu hjálp

Sjúkt spjall

1717

Barnavernd

Kynferðisofbeldi